Heavy Rain Warning: બંગાળની ખાડીમાં સક્રિય થયેલું ડીપ ડિપ્રેશન હવે ઉત્તર આંધ્રપ્રદેશ અને દક્ષિણ ઓડિશાના કાંઠા તરફ આગળ વધી રહ્યું છે. ભારત હવામાન વિભાગના તાજા બુલેટિન મુજબ, આ સિસ્ટમ 23 સપ્ટેમ્બરની રાત્રિ સુધી ઉત્તર આંધ્રપ્રદેશ–દક્ષિણ ઓડિશા કાંઠા વચ્ચે, વિશાખાપટ્ટણમ અને ગોપાલપુરની વચ્ચેના વિસ્તારમાં ડીપ ડિપ્રેશન તરીકે પસાર થવાની શક્યતા છે.
આ હવામાન સિસ્ટમની અસરથી ઓડિશા અને આંધ્રપ્રદેશના અનેક વિસ્તારોમાં ભારેથી અતિ ભારે વરસાદની શક્યતા છે. દક્ષિણ ઓડિશા કાંઠે ભારે વરસાદ સાથે તેજ પવનની સ્થિતિ સર્જાઈ શકે છે અને સમુદ્રની સ્થિતિ પણ ખૂબ જ ખરાબ રહેવાની આગાહી કરવામાં આવી છે.
Heavy Rain Warning: ઓડિશા અને આંધ્રપ્રદેશમાં ખાસ અસર
IMDના બુલેટિન મુજબ દક્ષિણ ઓડિશા કાંઠે 30થી 35 નોટ્સની પવનની ઝડપ અને ઝાટકામાં 45 નોટ્સ સુધી પવન ફૂંકાવાની શક્યતા છે. ભારે વરસાદ દરમિયાન દૃશ્યતા પણ ઘટી શકે છે અને દરિયો ખૂબ જ ઉગ્રથી ઊંચો રહેવાની શક્યતા છે.
આંધ્રપ્રદેશના ઉત્તર કાંઠે પણ વ્યાપક વરસાદ સાથે કેટલાક વિસ્તારોમાં ભારે વરસાદ અને 25થી 30 નોટ્સની પવનની ઝડપ, ઝાટકામાં 40 નોટ્સ સુધી પવનની શક્યતા દર્શાવવામાં આવી છે.
Heavy Rain Warning: અનેક વિસ્તારોમાં એલર્ટ
સિસ્ટમની અસરને કારણે ઓડિશાના દક્ષિણ અને દરિયાકાંઠાના વિસ્તારોમાં તંત્રને સાવચેતી રાખવા સૂચના આપવામાં આવી છે. ભારે વરસાદને કારણે નીચાણવાળા વિસ્તારોમાં પાણી ભરાવા, માર્ગ વ્યવહારને અસર અને અન્ય વરસાદજન્ય સમસ્યાઓ ઊભી થઈ શકે છે.
ઓડિશામાં ભારે વરસાદ વચ્ચે અનેક વિસ્તારોમાં વહીવટી તંત્ર દ્વારા સાવચેતીના પગલાં લેવામાં આવ્યા છે. અહેવાલો અનુસાર કેટલાક વિસ્તારોમાં શૈક્ષણિક સંસ્થાઓ બંધ રાખવામાં આવી છે અને લોકોને સાવચેત રહેવા સૂચના આપવામાં આવી છે.
વધુ સમાચાર વાંચવા માટે અંહી ક્લિક કરો: ચાંદખેડા વિસ્તારમાં અકસ્માત બાદ બંને ઈજાગ્રસ્તોને સારવાર માટે હોસ્પિટલ ખસેડાયા, કોન્સ્ટેબલ સામે ફરિયાદ
