Rupee at ₹94.43: ભારતીય ચલણ રૂપિયાએ વિદેશી વિનિમય બજારમાં પોતાની મજબૂતી જાળવી રાખી છે. શુક્રવારે આંતરબેંક વિદેશી વિનિમય બજારમાં રૂપિયો સતત છઠ્ઠા ટ્રેડિંગ સત્રમાં તેજી સાથે બંધ રહ્યો હતો. ટ્રેડિંગ દરમિયાન રૂપિયો ₹94.53ના સ્તરે ખુલ્યો હતો અને દિવસના અંતે 8 પૈસાના સુધારા સાથે ₹94.43 પ્રતિ ડોલર પર બંધ થયો હતો. અગાઉના ટ્રેડિંગ સત્રમાં રૂપિયો ₹94.51ના સ્તરે બંધ રહ્યો હતો.
Rupee at ₹94.43: RBIના હસ્તક્ષેપથી રૂપિયાને ટેકો
ચલણ બજારમાં રૂપિયાની મજબૂતી પાછળ RBIનો હસ્તક્ષેપ અને વિદેશી મૂડીપ્રવાહ જેવા પરિબળો મહત્વના રહ્યા છે. બજારમાં અસ્થિરતા ઘટાડવા માટે RBI દ્વારા ડોલરનું વેચાણ કરવામાં આવ્યું હોવાનું જણાવાઈ રહ્યું છે. સાથે જ વિદેશી સંસ્થાગત રોકાણકારો તરફથી ડોલર ઇનફ્લોમાં સુધારો થતાં ભારતીય ચલણને વધુ ટેકો મળ્યો છે.
Rupee at ₹94.43: વૈશ્વિક પડકારો યથાવત
રૂપિયામાં સતત છ સત્રથી તેજી જોવા મળી રહી છે, પરંતુ આગળ જતા કેટલાક વૈશ્વિક પરિબળો દબાણ ઊભું કરી શકે છે. આંતરરાષ્ટ્રીય બજારમાં ક્રૂડ ઓઈલના વધતા ભાવ ભારતનું આયાત બિલ વધારી શકે છે. બીજી તરફ અમેરિકા-ઈરાન વચ્ચેના ભૂ-રાજકીય તણાવથી વૈશ્વિક બજારોમાં અનિશ્ચિતતા વધી શકે છે.
આગામી દિવસોમાં રૂપિયાની ચાલ વૈશ્વિક બજારના સંકેતો, ક્રૂડ ઓઈલના ભાવ, ભૂ-રાજકીય સ્થિતિ અને ભારતમાં વિદેશી સંસ્થાગત મૂડીપ્રવાહની ગતિવિધિ પર નિર્ભર રહેશે.
વધુ સમાચાર વાંચવા માટે અંહી ક્લિક કરો: એક ચલણ ભર્યા બાદ દિવસભર ટ્રાફિક નિયમ તોડવાની છૂટ નથી
