India’s Mobile Manufacturing Boom: ભારતમાં મોબાઈલ મેન્યુફેક્ચરિંગ ક્ષેત્રે છેલ્લા એક દાયકામાં મોટો બદલાવ જોવા મળ્યો છે. દેશમાં વપરાતા મોબાઈલ ફોનમાંથી 99.2 ટકા ફોન ભારતમાં જ બને છે. ‘મેડ ઈન ઈન્ડિયા’ પહેલને કારણે ભારત મોબાઈલ ઉત્પાદનનું મહત્વનું વૈશ્વિક કેન્દ્ર બની રહ્યું છે.
India’s Mobile Manufacturing Boom: વિશ્વનું બીજા ક્રમનું સૌથી મોટું મોબાઈલ ઉત્પાદક
ભારત હવે વિશ્વનું બીજા ક્રમનું સૌથી મોટું મોબાઈલ ઉત્પાદક દેશ બન્યું છે. વર્ષ 2025-26માં દેશમાં મોબાઈલ ફોનનું ઉત્પાદન ₹6.27 લાખ કરોડ સુધી પહોંચ્યું હોવાનું જણાવાયું છે. આ આંકડો ભારતીય ઇલેક્ટ્રોનિક્સ મેન્યુફેક્ચરિંગ ક્ષેત્રના ઝડપથી વિસ્તરણને દર્શાવે છે.
India’s Mobile Manufacturing Boom: મોબાઈલ નિકાસ ₹2.59 લાખ કરોડે પહોંચી
મોબાઈલ મેન્યુફેક્ચરિંગ સાથે નિકાસમાં પણ નોંધપાત્ર વધારો થયો છે. નાણાકીય વર્ષ 2025-26માં ભારતમાંથી મોબાઈલ ફોનની નિકાસ ₹2.59 લાખ કરોડ સુધી પહોંચી છે. ભારતીય કંપનીઓ અને ભારતમાં ઉત્પાદન કરતી વૈશ્વિક કંપનીઓ હવે વિદેશી બજારોમાં પણ મોટા પ્રમાણમાં મોબાઈલ ફોન મોકલી રહી છે.
India’s Mobile Manufacturing Boom: એક દાયકામાં ઉત્પાદન 33 ગણું વધ્યું
2014-15ની સરખામણીમાં મોબાઈલ ફોનનું ઉત્પાદન લગભગ 33 ગણું વધ્યું છે. એક સમયે મોબાઈલ ફોન માટે આયાત પર વધુ નિર્ભરતા ધરાવતું ભારત હવે મોટા પાયે દેશમાં જ ઉત્પાદન કરી રહ્યું છે.
નિકાસમાં 165 ગણો ઉછાળો
મોબાઈલ નિકાસમાં પણ આશ્ચર્યજનક વૃદ્ધિ નોંધાઈ છે. 2014-15ની સરખામણીમાં મોબાઈલ નિકાસમાં લગભગ 165 ગણો વધારો થયો છે. આ વૃદ્ધિ ભારતની મેન્યુફેક્ચરિંગ ક્ષમતા તેમજ વૈશ્વિક સપ્લાય ચેઇનમાં ભારતની વધતી ભૂમિકાનો સંકેત આપે છે.
‘મેડ ઈન ઈન્ડિયા’ને મોટો વેગ
દેશમાં મોબાઈલ ઉત્પાદન વધવાથી સ્થાનિક મેન્યુફેક્ચરિંગ, સપ્લાય ચેઇન અને ઇલેક્ટ્રોનિક્સ ક્ષેત્રને વેગ મળ્યો છે. ઉત્પાદન વધવાથી ભારત માત્ર સ્થાનિક બજારની માંગ પૂરી કરવામાં જ નહીં, પરંતુ વૈશ્વિક બજાર માટે પણ મોબાઈલનું ઉત્પાદન અને નિકાસ કરવામાં મહત્વપૂર્ણ ભૂમિકા ભજવી રહ્યું છે.
મોબાઈલ મેન્યુફેક્ચરિંગમાં આ વૃદ્ધિ ભારતના ઇલેક્ટ્રોનિક્સ ક્ષેત્ર માટે મહત્વપૂર્ણ સિદ્ધિ માનવામાં આવી રહી છે. આગામી સમયમાં ઉત્પાદન ક્ષમતા, સ્થાનિક ઘટકોનું ઉત્પાદન અને નિકાસમાં વધુ વધારો થાય તો ભારતની વૈશ્વિક મેન્યુફેક્ચરિંગ હબ તરીકેની સ્થિતિ વધુ મજબૂત બની શકે છે.
E-પેપર વાંચવા માટે અંહી ક્લિક કરો:
