Major Success for Gujarat ATS:ગુજરાત એન્ટી ટેરરિસ્ટ સ્કવોડ (ATS) દ્વારા આતંકવાદ વિરોધી અભિયાનમાં વધુ એક મોટી સફળતા મેળવવામાં આવી છે. રાજ્યમાં સક્રિય જૈશ-એ-મોહમ્મદના નેટવર્ક સામે કાર્યવાહી કરતા, ATSએ વધુ 5 આતંકીઓની ધરપકડ કરી છે. અગાઉ ઝડપાયેલા 8 આતંકીઓની તપાસ દરમિયાન મળેલા ચોક્કસ પુરાવા અને નામોના આધારે આ ધરપકડ કરવામાં આવી છે.
Major Success for Gujarat ATS:વિસ્ફોટકોના પરીક્ષણમાં હતા વ્યસ્ત
તપાસમાં ચોંકાવનારો ઘટસ્ફોટ થયો છે કે, ઝડપાયેલા આ તમામ 5 આતંકીઓ અગાઉ પકડાયેલા 8 આતંકીઓ સાથે ગાઢ રીતે સંકળાયેલા હતા. આ આખું જૂથ મળીને વિસ્ફોટકોનું પરીક્ષણ કરી રહ્યું હતું, જે રાજ્યની સુરક્ષા માટે મોટો ખતરો માનવામાં આવી રહ્યો છે. હાલમાં આ પાંચેયને ATS દ્વારા સુરક્ષિત સ્થળે ખસેડીને સઘન પૂછપરછ હાથ ધરવામાં આવી રહી છે.
Major Success for Gujarat ATS:શું હતો મામલો?
- સંગઠન: તમામ ઝડપાયેલા આતંકીઓ પાકિસ્તાન સ્થિત આતંકી સંગઠન ‘જૈશ-એ-મોહમ્મદ’ સાથે જોડાયેલા હોવાનું બહાર આવ્યું છે.
- તપાસનો વ્યાપ: 3 જુલાઈના રોજ ગુજરાત ATSએ મધ્યપ્રદેશ અને ગુજરાતના અલગ-અલગ જિલ્લાઓ (બનાસકાંઠા, મહેસાણા, નવસારી, પાટણ) માંથી 8 શખસોને ઝડપી પાડ્યા હતા.
- પાકિસ્તાની હેન્ડલર્સનો રોલ: આ આતંકીઓ પાકિસ્તાનમાં બેઠેલા પોતાના હેન્ડલર્સના સીધા સંપર્કમાં હતા અને તેમના આદેશ મુજબ ગુજરાતમાં આતંકી સંગઠનને મજબૂત અને સક્રિય કરવાનું કામ કરી રહ્યા હતા.
- નવી ધરપકડ: અગાઉના 8 આતંકીઓની પૂછપરછમાં સામે આવેલા વધુ 5 નામોના પગલે, 16 જુલાઈએ ગુજરાતના વિવિધ વિસ્તારોમાંથી આ આતંકીઓને દબોચી લેવામાં આવ્યા છે.
ATSના અધિકારીઓના જણાવ્યા અનુસાર, આ કેસમાં અનેક શંકાસ્પદ લોકોની પૂછપરછ અને નિવેદનો લેવામાં આવ્યા બાદ આ ધરપકડ કરવામાં આવી છે. સુરક્ષા એજન્સીઓ આ નેટવર્ક સાથે જોડાયેલા અન્ય લોકોની પણ સઘન તપાસ કરી રહી છે જેથી રાજ્યમાં શાંતિ અને સુરક્ષા જળવાઈ રહે.
આ પણ વાંચો :ઐતિહાસિક સિદ્ધિ: ભારતની પ્રથમ હાઈડ્રોજન ટ્રેન આજે હરિયાણામાં દોડશે, જાણો તેની વિશેષતાઓ
