Monsoon Takes a Break in Gujarat: ગુજરાતમાં હાલ ચોમાસાએ વિરામ લીધો હોય તેવી સ્થિતિ સર્જાઈ છે. છેલ્લા બે દિવસથી રાજ્યના મોટાભાગના વિસ્તારોમાં વરસાદનું પ્રમાણ નહિવત રહ્યું છે. ગરમી અને બફારામાં વધારો થતા રાજ્યનું મહત્તમ તાપમાન ૩૭°C ને પાર કરી ગયું છે. હવામાન વિભાગના જણાવ્યા અનુસાર, આગામી સાત દિવસ સુધી રાજ્યમાં ભારે વરસાદ કે વાવાઝોડાની કોઈ ચેતવણી નથી.
Monsoon Takes a Break in Gujarat: હવામાનની સ્થિતિ અને આગાહી
- હાલનું વાતાવરણ: રાજ્યમાં હાલ પશ્ચિમી પવનો ફૂંકાઈ રહ્યા છે. ઉત્તર પ્રદેશ પર સક્રિય લો-પ્રેશર સિસ્ટમ પણ આગામી ૨૪ કલાકમાં નબળી પડવાની સંભાવના છે.
- તાપમાન: રાજ્યમાં ગરમીનો પારો ૩૭°C સુધી પહોંચ્યો છે, જેમાં ભાવનગર (૩૭.૨°C) અને અમદાવાદ (૩૬.૪°C) સૌથી ગરમ રહ્યા હતા.
- ૭ દિવસનો અંદાજ: ૧૧ જુલાઈના રોજ રાજ્યભરમાં છૂટાછવાયા સ્થળોએ હળવાથી મધ્યમ વરસાદની શક્યતા છે. જોકે, ૧૨ જુલાઈ બાદ દક્ષિણ ગુજરાત અને સૌરાષ્ટ્રના કેટલાક વિસ્તારો સિવાય સમગ્ર રાજ્યમાં હવામાન મુખ્યત્વે સૂકું રહેવાની સંભાવના છે.
Monsoon Takes a Break in Gujarat: વરસાદ અને ડેમની સ્થિતિ
ગુજરાતમાં અત્યાર સુધીમાં સિઝનનો કુલ ૨૪.૬૩% (૮.૮૧ ઇંચ) વરસાદ નોંધાયો છે.
- ડેમની સ્થિતિ: રાજ્યની જીવાદોરી સમાન નર્મદા ડેમમાં ૬૫.૮૧% પાણીનો સંગ્રહ થયો છે.
- હાઈ-એલર્ટ: પાણીની વિપુલ આવકને કારણે રાજ્યના ૧૦ ડેમ ‘હાઈ-એલર્ટ’ પર છે, જેમાં અમરેલી અને ભાવનગરના ડેમ મુખ્ય છે. આ ઉપરાંત ૪ ડેમ ‘એલર્ટ’ પર અને ૧૦ ડેમ ‘વોર્નિંગ’ મોડમાં રાખવામાં આવ્યા છે.
Monsoon Takes a Break in Gujarat: ખેતી અને વાવેતરની વિગતો
ચોમાસાના વિરામ વચ્ચે રાજ્યમાં ખરીફ પાકોના વાવેતરની ગતિ પણ જોવા મળી છે:
- કુલ વાવેતર: રાજ્યમાં ૧૮,૫૪,૫૬૪ હેક્ટર જમીનમાં વાવેતર સંપન્ન થયું છે, જે સામાન્ય વાવેતરના ૨૧.૭૪% છે.
- મુખ્ય પાક: હાલ કપાસ અને મગફળીનું વાવેતર સૌથી વધુ પ્રમાણમાં જોવા મળી રહ્યું છે.
Monsoon Takes a Break in Gujarat: તંત્રની તૈયારીઓ
ચોમાસાની શરૂઆતમાં થયેલા ભારે વરસાદને પગલે રાજ્યમાંથી ૮,૩૨૪ લોકોનું સ્થળાંતર કરવામાં આવ્યું હતું અને ૩,૭૧૧ લોકોનું સફળ રેસ્ક્યૂ કરવામાં આવ્યું હતું. હાલ પંચાયત હસ્તકના ૪૮ રસ્તાઓ સહિત કુલ ૫૪ રસ્તાઓ બંધ છે, જેને પૂર્વવત કરવાની કામગીરી ચાલુ છે. જોકે, એસ.ટી. બસ સેવાઓ સંપૂર્ણપણે રાબેતા મુજબ ચાલુ છે.
વધુ સમાચાર વાંચવા માટે અંહી ક્લિક કરો
સોમનાથ અસ્થિ વિસર્જન કરવા જતા બનાસકાંઠાના પરિવાર પર આભ તૂટી પડ્યું, મજેવડી પાસે અકસ્માતમાં ૪ના મોત
