Market Recovery: સતત ચાર દિવસના ઘટાડા બાદ આજે ભારતીય શેરબજારમાં થોડો સુધારો જોવા મળ્યો છે. બુધવાર, 13 મેના રોજ શેરબજાર નજીવા વધારા સાથે લીલા નિશાનમાં બંધ રહ્યું હતું.
Market Recovery: બજારની આજની સ્થિતિ
- સેન્સેક્સ: 49 પોઈન્ટના વધારા સાથે 74,608 ના સ્તરે બંધ રહ્યો.
- નિફ્ટી: 33 પોઈન્ટ વધીને 23,412 ના સ્તરે પહોંચ્યો.
- સેક્ટર અપડેટ: આજના ટ્રેડિંગ સત્રમાં મેટલ શેરોમાં સૌથી વધુ ખરીદી જોવા મળી હતી, જ્યારે IT શેરોમાં વેચવાલીનું દબાણ રહ્યું હતું.
Market Recovery: વૈશ્વિક બજારોના સંકેતો
એશિયન બજારોમાં આજે તેજીનો માહોલ જોવા મળ્યો હતો:
- કોસ્પી (સાઉથ કોરિયા): 1.50% ના ઉછાળા સાથે 7749 પર બંધ.
- નિક્કેઈ (જાપાન): 0.30% વધીને 62986 પર બંધ.
- હેંગસેંગ (હોંગકોંગ): 0.06% ના નજીવા ઘટાડા સાથે 26364 પર રહ્યો.
અગાઉ અમેરિકી બજારોમાં મિશ્ર પ્રતિસાદ જોવા મળ્યો હતો, જ્યાં ડાઉ જોન્સ 0.11% વધ્યો હતો, જ્યારે નેસ્ડેક અને S&P 500 માં ઘટાડો નોંધાયો હતો.
રોકાણકારોની હિલચાલ (FII & DII)
ગઈકાલના આંકડા મુજબ, વિદેશી સંસ્થાગત રોકાણકારો (FII) એ બજારમાંથી નાણાં ખેંચવાનું ચાલુ રાખ્યું છે:
- FII/FPI: 1,959 કરોડ રૂપિયાના શેરની નેટ વેચવાલી કરી.
- DII: સ્થાનિક રોકાણકારોએ 7,990 કરોડ રૂપિયાની નેટ ખરીદી કરીને બજારને ટેકો આપ્યો હતો.
પાછલા દિવસોનો ઘટાડો
નોંધનીય છે કે ગઈકાલે 12 મેના રોજ બજારમાં મોટો કડાકો જોવા મળ્યો હતો, જેમાં સેન્સેક્સ 1,456 પોઈન્ટ અને નિફ્ટી 436 પોઈન્ટ તૂટ્યા હતા. છેલ્લા ચાર કારોબારી દિવસોમાં સેન્સેક્સમાં અંદાજે 3,500 પોઈન્ટનો જંગી ઘટાડો નોંધાઈ ચૂક્યો છે.
વધુ સમાચાર વાંચવા માટે અંહી ક્લિક કરો
ધોરણ 12નું પરિણામ જાહેર; 85.20% વિદ્યાર્થીઓ ઉત્તીર્ણ, દીકરીઓએ ફરી ડંકો વગાડ્યો
