Assam Election 2026: આસામ વિધાનસભાચૂંટણી 2026ના પરિણામોએ પૂર્વોત્તરના રાજકારણમાં એક નવો ઈતિહાસ રચી દીધો છે. મુખ્યમંત્રી હિમંત બિશ્વા સરમાના નેતૃત્વમાં ભાજપ ગઠબંધન (NDA) એ પ્રચંડ બહુમતી સાથે જીતની હેટ્રિક લગાવી છે. આજે જાહેર થયેલા વલણો અને પરિણામોમાં ભાજપ ગઠબંધન 100 બેઠકોની નજીક પહોંચી રહ્યું છે, જેણે વિપક્ષી ગઠબંધન અને ગૌરવ ગોગોઈના પડકારને ધ્વસ્ત કરી દીધો છે.
Assam Election 2026: જીતના 5 મુખ્ય કારણો:
1. ‘મામા’ બ્રાન્ડિંગ અને મહિલા વોટબેંક: આસામમાં હિમંત બિશ્વા સરમા ‘મામા’ તરીકે લોકપ્રિય છે. તેમની ‘અરુણોદય 2.0’ જેવી યોજનાઓએ લાખો મહિલાઓના ખાતામાં સીધી આર્થિક સહાય પહોંચાડીને એક મજબૂત ‘લાભાર્થી’ વોટબેંક તૈયાર કરી છે. આ જ કારણ છે કે મહિલા મતદારોએ ‘મામા’ પર ફરી એકવાર અતૂટ વિશ્વાસ મૂક્યો છે.
2. મિયા પોલિટિક્સ અને અસમિયા અસ્મિતા: હિમંતે પોતાની રણનીતિમાં ‘મિયા પોલિટિક્સ’ (ઘૂસણખોરી) ના મુદ્દાને ધારદાર બનાવ્યો હતો. તેમણે અસમિયા સંસ્કૃતિ, જમીન અને ઓળખની રક્ષાનો જે નેરેટિવ સેટ કર્યો, તેણે સ્વદેશી અસમિયા અને હિન્દુ મતદારોનું ધ્રુવીકરણ ભાજપની તરફેણમાં કરી દીધું.
3. પ્રો-એક્ટિવ ગવર્નન્સ (ટાસ્કમાસ્ટર CM): હિમંત બિશ્વા સરમાની છબી એક એવા નેતાની છે જે 24/7 કામ કરે છે. રસ્તાઓનું નેટવર્ક, નવી મેડિકલ કોલેજો અને પારદર્શક સરકારી ભરતીઓને કારણે એન્ટી-ઇન્કમ્બન્સી (સત્તા વિરોધી લહેર) ક્યાંય જોવા મળી નહીં. જનતાએ તેમના ‘ડિલિવરી મોડલ’ને સ્વીકાર્યું છે.
4. વિપક્ષનો નબળો પડકાર: કોંગ્રેસના ગૌરવ ગોગોઈ જોરહાટ જેવી પોતાની પરંપરાગત બેઠક બચાવવામાં પણ નિષ્ફળ રહ્યા હોવાના અહેવાલ છે. વિપક્ષ પાસે હિમંતના ગ્રાઉન્ડ કનેક્ટ અને માઇક્રો-મેનેજમેન્ટ સામે કોઈ મજબૂત વ્યુહરચના કે ચહેરો નહોતો, જેનો સીધો લાભ ભાજપને મળ્યો.
5. સીમાંકન (Delimitation) નો વ્યૂહાત્મક ફાયદો: 2023માં થયેલા બેઠકોના સીમાંકનને કારણે અનેક બેઠકોના સમીકરણો બદલાયા હતા. ભાજપે આ બદલાયેલા ભૌગોલિક અને વસ્તીવિષયક આંકડાઓનો ઉપયોગ કરીને પોતાની વોટબેંકને વધુ સુરક્ષિત બનાવી, જે આ પરિણામોમાં સ્પષ્ટ દેખાય છે.
વધુ સમાચાર વાંચવા માટે અંહી ક્લિક કરો
