Panic in Bhuj: કચ્છના ભુજ તાલુકાના લોડાઈ ગામમાં પાણીપુરી ખાધા બાદ સામુહિક ફૂડ પોઈઝનિંગની ગંભીર ઘટના સામે આવી છે. ગામના 50થી વધુ લોકોને ઝેરી અસર થતા તાત્કાલિક સારવાર અર્થે ખસેડવામાં આવ્યા છે.
Panic in Bhuj: શું બની સમગ્ર ઘટના?
મળતી વિગતો અનુસાર, લોડાઈ ગામમાં પાણીપુરીનો સ્વાદ માણવો અનેક લોકો માટે ભારે પડ્યો હતો. ખાધાના થોડા સમય બાદ જ લોકોને ઉલટી, ઉબકા અને પેટમાં અસહ્ય દુખાવાની ફરિયાદ શરૂ થઈ હતી. જોતજોતામાં અસરગ્રસ્તોનો આંકડો 50ને પાર કરી ગયો હતો, જેમાં મોટી સંખ્યામાં બાળકો અને મહિલાઓનો પણ સમાવેશ થાય છે.
Panic in Bhuj: હોસ્પિટલમાં દોડધામ
તબિયત લથડતા જ તમામ અસરગ્રસ્તોને તાત્કાલિક ભુજની જી.કે. જનરલ હોસ્પિટલ ખાતે ખસેડવામાં આવ્યા હતા. હાલ હોસ્પિટલના તબીબો દ્વારા તમામની સારવાર કરવામાં આવી રહી છે અને સદનસીબે તમામ દર્દીઓની હાલત અત્યારે સ્થિર હોવાનું જાણવા મળ્યું છે.
તંત્ર હરકતમાં, નમૂના લેવાયા
ઘટનાની ગંભીરતાને જોતા આરોગ્ય અને ફૂડ વિભાગની ટીમ તાત્કાલિક ઘટનાસ્થળે દોડી ગઈ હતી.
- સેમ્પલિંગ: ફૂડ વિભાગે શંકાસ્પદ પાણીપુરીના નમૂના લઈ લેબોરેટરીમાં તપાસ અર્થે મોકલી આપ્યા છે.
- સરપંચનો નિર્ણય: લોડાઈ ગામના સરપંચે તકેદારીના ભાગરૂપે હાલ ગામમાં ખાણીપીણીની તમામ લારીઓ અને દુકાનો બંધ કરાવી દીધી છે.
તંત્ર દ્વારા તપાસ હાથ ધરવામાં આવી રહી છે કે આ ચેપ પાણીના કારણે ફેલાયો છે કે મસાલામાં કોઈ ગરબડ હતી.
વધુ સમાચાર વાંચવા માટે અંહી ક્લિક કરો
ભીલાડમાં LPG ગેસ ચોરીના મોટા રેકેટનો પર્દાફાશ, SOGએ ટેન્કર અને સિલિન્ડર સહિતનો મુદ્દામાલ ઝડપ્યો
