Stock Market Update: નાણાકીય વર્ષના પ્રથમ દિવસે જ શેરબજારમાં દિવાળી જેવો માહોલ જોવા મળી રહ્યો છે. 1 એપ્રિલના રોજ ભારતીય શેરબજારમાં રોકાણકારોની જબરદસ્ત ખરીદીને પગલે સેન્સેક્સ અને નિફ્ટી નવા શિખરો તરફ આગળ વધી રહ્યા છે.
Stock Market Update: બજારની આજની સ્થિતિ
- સેન્સેક્સ: 1800 પોઈન્ટ (2.60%) ના ઉછાળા સાથે 73,800 ના સ્તરે.
- નિફ્ટી: 550 પોઈન્ટ (2.50%) વધીને 22,900 ની સપાટી વટાવી.
- કયા સેક્ટરમાં તેજી: આજે ખાસ કરીને ઓટો, IT, મેટલ અને બેન્કિંગ શેરોમાં રોકાણકારોનો ભારે રસ જોવા મળ્યો છે.
Stock Market Update: તેજી પાછળના 2 મુખ્ય કારણો
1. મિડલ ઈસ્ટમાં શાંતિના સંકેત: અમેરિકી રાષ્ટ્રપતિ ડોનાલ્ડ ટ્રમ્પના નિવેદને વૈશ્વિક બજારમાં ઉત્સાહ ભરી દીધો છે. ટ્રમ્પે જણાવ્યું છે કે ઈરાન સાથેનું યુદ્ધ આગામી 2-3 અઠવાડિયામાં સમાપ્ત થઈ શકે છે, કારણ કે અમેરિકાએ તેનું લક્ષ્ય હાંસલ કરી લીધું છે. આ સમાચારથી યુદ્ધના ભય વચ્ચે રાહત મળી છે.
2. ગ્લોબલ માર્કેટમાં ‘ગ્રીન સિગ્નલ’: વૈશ્વિક બજારોમાં જોવા મળેલી તેજીની સીધી અસર ભારતીય બજાર પર પડી છે. જાપાનનો નિક્કેઈ 4% અને સાઉથ કોરિયાનો કોસ્પી 6% જેટલો ઉછળ્યો છે, જેનાથી ભારતીય રોકાણકારોનો આત્મવિશ્વાસ વધ્યો છે.
Stock Market Update: એશિયન અને અમેરિકી બજારોની સ્થિતિ
- જાપાન (Nikkei): +4% (53,160)
- સાઉથ કોરિયા (Kospi): +6% (5,370)
- અમેરિકા (Dow Jones): ગત રાત્રે 1,125 પોઈન્ટના વધારા સાથે બંધ.
પાછલા સત્રની સરખામણી
ઉલ્લેખનીય છે કે, 30 માર્ચે બજારમાં 1636 પોઈન્ટનો મોટો ઘટાડો જોવા મળ્યો હતો અને 31 માર્ચે રજા હતી. પરંતુ આજે બજારે વ્યાજ સાથે તમામ નુકસાનની ભરપાઈ કરી લીધી છે.
આ પણ વાંચો :ગુજરાત કૃષિ વિભાગમાં મોટો ફેરબદલ: 46 અધિકારીઓની બદલી અને 18ને પ્રમોશન
