Sonam Kapoor Welcomes Second Baby Boy:બોલિવૂડ એક્ટ્રેસ સોનમ કપૂર અને તેના પતિ આનંદ આહુજાના ઘરે ફરી એકવાર ખુશીઓએ દસ્તક આપી છે. સોનમ કપૂરે રવિવારે, 29 માર્ચ 2026ના રોજ મુંબઈમાં દીકરાને જન્મ આપ્યો છે. આ સાથે જ સોનમ અને આનંદ હવે બે પુત્રોના માતા-પિતા બની ગયા છે. કપલે સોશિયલ મીડિયા પર એક ભાવુક પોસ્ટ શેર કરીને આ જાણકારી આપી છે.
Sonam Kapoor Welcomes Second Baby Boy:’હવે અમે ચાર લોકોનો પરિવાર છીએ’
સોનમ અને આનંદે તેમના સત્તાવાર એકાઉન્ટ પર સંયુક્ત નિવેદન જાહેર કરતા લખ્યું કે, “ખૂબ જ ખુશી અને પ્રેમ સાથે અમે જણાવવા માંગીએ છીએ કે આજે અમારા ઘરે દીકરાનો જન્મ થયો છે. હવે અમારો પરિવાર મોટો થઈ ગયો છે અને તેના આગમનથી અમારા હૃદય ખુશીથી ભરાઈ ગયા છે. મોટો ભાઈ વાયુ પણ તેના નાના ભાઈના આગમનથી ખૂબ ખુશ છે.”
Sonam Kapoor Welcomes Second Baby Boy:નવેમ્બરમાં કરી હતી જાહેરાત
સોનમ કપૂરે નવેમ્બર 2025માં પોતાની બીજી પ્રેગ્નન્સીની જાહેરાત કરી હતી. પિંક ગ્લેમરસ આઉટફિટમાં ફોટોશૂટ શેર કરીને તેણે મધરહુડ વિશે વાત કરી હતી. ત્યારથી સોનમ તેના પ્રેગ્નન્સી લુક્સ અને સ્ટાઈલને કારણે સતત સોશિયલ મીડિયા પર ચર્ચામાં રહી હતી.
Sonam Kapoor Welcomes Second Baby Boy:ફેબ્રુઆરીમાં શાસ્ત્રોક્ત વિધિથી થઈ હતી સીમંત વિધિ
ફેબ્રુઆરી મહિનામાં સોનમની સીમંત વિધિ (ગોદ ભરાઈ) યોજાઈ હતી, જેમાં કપૂર અને આહુજા પરિવારના સભ્યો તેમજ બોલિવૂડના દિગ્ગજો હાજર રહ્યા હતા. સોનમે આ પ્રસંગે ‘સીમંતોન્નયન’ સંસ્કારનું મહત્વ સમજાવતા લખ્યું હતું કે, ભારતભરમાં આ વિધિને અલગ-અલગ નામે ઓળખવામાં આવે છે, પરંતુ તેનો મૂળ ભાવ ગર્ભસ્થ બાળક અને માતાને આશીર્વાદ આપવાનો હોય છે.
લગ્નના 8મા વર્ષે બીજું સંતાન
સોનમ કપૂરે વર્ષ 2018માં બિઝનેસમેન આનંદ આહુજા સાથે લગ્ન કર્યા હતા.
- 2022: લગ્નના 4 વર્ષ પછી પ્રથમ પુત્ર ‘વાયુ’નો જન્મ થયો.
- 2026: લગ્નના 8મા વર્ષે બીજા પુત્રનો જન્મ થયો.
સોનમ કપૂર 40 વર્ષની વયે બીજી વાર માતા બની છે, જે સોશિયલ મીડિયા પર ‘લેટ મધરહુડ’ અને પ્રેરણા તરીકે પણ જોવામાં આવી રહ્યું છે. અનિલ કપૂર ફરી એકવાર નાના બનતા કપૂર પરિવારમાં ઉત્સવ જેવો માહોલ છે.
આ પણ વાંચો :હવે રેશનિંગની દુકાન જ નહીં, પેટ્રોલ પંપ પર પણ મળશે કેરોસીન; કેન્દ્ર સરકારે નિયમોમાં કરી મોટી છૂટછાટ
