StockMarket:ભારતીય શેરબજારમાં આજે એટલે કે 25 માર્ચ, 2026ના રોજ દિવાળી જેવો માહોલ જોવા મળી રહ્યો છે. વૈશ્વિક બજારોના પોઝિટિવ સંકેતો અને ઘરેલું સ્તરે બેન્કિંગ તથા ઓટો સેક્ટરમાં આવેલી ભારે ખરીદીને કારણે સેન્સેક્સ અને નિફ્ટી બંને નવી ઊંચાઈ તરફ આગળ વધી રહ્યા છે.
StockMarket:બજારની આજની સ્થિતિ
- સેન્સેક્સ: લગભગ 1,000 પોઈન્ટના જબરદસ્ત ઉછાળા સાથે 75,100 ના સ્તર પર ટ્રેડ કરી રહ્યો છે.
- નિફ્ટી: નિફ્ટીમાં પણ 350 પોઈન્ટની તેજી જોવા મળી છે, જે હાલ 23,300 ની સપાટી પર કારોબાર કરી રહ્યો છે.
- ટોપ સેક્ટર્સ: આજે સૌથી વધુ તેજી ઓટો, બેન્કિંગ અને FMCG શેરોમાં જોવા મળી રહી છે. ગઈકાલની તેજી બાદ આજે પણ રોકાણકારોમાં પોઝિટિવ સેન્ટિમેન્ટ જળવાયેલું છે.
StockMarket:વૈશ્વિક બજારની અસર
ભારતીય બજારમાં આ તેજી પાછળ એશિયન અને અમેરિકી બજારોનો મોટો હાથ છે:
- એશિયન માર્કેટ: જાપાનનો નિક્કેઈ ઈન્ડેક્સ 2.50% અને સાઉથ કોરિયાનો કોસ્પી 2.00% વધીને ટ્રેડ થઈ રહ્યા છે. ચીન અને હોંગકોંગના બજારોમાં પણ ગ્રીન સિગ્નલ જોવા મળ્યું છે.
- અમેરિકી માર્કેટ: 24 માર્ચના રોજ નાસ્ડેક અને S&P 500 ઈન્ડેક્સમાં પણ નોંધપાત્ર સુધારો જોવા મળ્યો હતો, જેની સીધી અસર આજે ભારતીય શેરબજાર પર પડી છે.
ક્રૂડ ઓઈલની કિંમતોમાં અસ્થિરતા
આજે ક્રૂડ ઓઈલના ભાવમાં મિશ્ર પ્રતિસાદ જોવા મળી રહ્યો છે. બ્રેન્ટ ક્રૂડ 5% વધીને 99 ડોલર પ્રતિ બેરલ પર પહોંચ્યું છે. જોકે, સૌથી વધુ ચિંતાજનક બાબત ‘ઈન્ડિયન બાસ્કેટ’ ની કિંમતો છે, જેમાં 7% નો મોટો ઉછાળો જોવા મળ્યો છે અને તે 157 ડોલર પ્રતિ બેરલ સુધી પહોંચી ગયું છે. યુદ્ધની સ્થિતિ અને સપ્લાય ચેઈનની અસરો તેલના ભાવ પર સ્પષ્ટ દેખાઈ રહી છે.
ગઈકાલનું પ્રદર્શન
નોંધનીય છે કે ગઈકાલે (24 માર્ચ) પણ બજારમાં તેજીનો માહોલ હતો. સેન્સેક્સ 1,372 પોઈન્ટના ઉછાળા સાથે 74,068 પર બંધ થયો હતો. સતત બીજા દિવસે બજારમાં જોવા મળી રહેલી આ તેજીથી રોકાણકારોની સંપત્તિમાં કરોડો રૂપિયાનો વધારો થયો છે.
આ પણ વાંચો :મિડલ ઈસ્ટ જંગનું સંકટ: PM મોદી એક્શન મોડમાં, આજે કેબિનેટ અને સર્વપક્ષીય બેઠકમાં ઘડાશે રણનીતિ
