Crude Oil Skyrockets:મધ્ય પૂર્વમાં ચાલી રહેલા યુદ્ધની સીધી અને ભયાનક અસર હવે વૈશ્વિક અર્થતંત્ર પર દેખાઈ રહી છે. ઈઝરાયેલ-અમેરિકા અને ઈરાન વચ્ચેના યુદ્ધના 10મા દિવસે આંતરરાષ્ટ્રીય બજારમાં ક્રૂડ ઓઈલના ભાવમાં પ્રચંડ વિસ્ફોટ થયો છે. સોમવારે બ્રેન્ટ ક્રૂડની કિંમત 100 ડોલર પ્રતિ બેરલની સપાટી વટાવી ગઈ છે, જે છેલ્લા સાડા ત્રણ વર્ષમાં સૌથી ઊંચો સ્તર છે.
Crude Oil Skyrockets:એક સપ્તાહમાં 8% અને યુદ્ધ પછી 50% નો વધારો
28 ફેબ્રુઆરીએ ઈરાન પર થયેલા હુમલા બાદ ક્રૂડ ઓઈલની કિંમતોમાં અવિરત વધારો જોવા મળી રહ્યો છે.
- બ્રેન્ટ ક્રૂડ: $102.50 પ્રતિ બેરલ
- WTI ક્રૂડ: $101.20 પ્રતિ બેરલ
- વધારો: માત્ર એક જ સપ્તાહમાં કિંમતોમાં 8% નો વધારો નોંધાયો છે. ચોંકાવનારી વાત એ છે કે યુદ્ધ શરૂ થયા બાદ ક્રૂડના ભાવમાં લગભગ 50% જેટલો જંગી ઉછાળો આવ્યો છે.
Crude Oil Skyrockets:હોર્મુઝની કટોકટી અને સપ્લાય ચેઈનને લકવો
દુનિયાની આર્થિક નસ ગણાતી સ્ટ્રેટ ઓફ હોર્મુઝ (Strait of Hormuz) બંધ થઈ જવાથી વિશ્વનો 20% ઓઈલ પુરવઠો ખોરવાઈ ગયો છે. આ માર્ગ બંધ થતાં તેલ ઉત્પાદક દેશોના સંગઠન ‘ઓપેક‘ (OPEC) એ પણ દરરોજ 22 લાખ બેરલ ઉત્પાદન ઘટાડવાની જાહેરાત કરી છે, જેના કારણે બજારમાં તેલની ભારે અછત સર્જાઈ છે.
Crude Oil Skyrockets:ભારત પર શું થશે અસર?
ભારત પોતાની જરૂરિયાતનું 80% થી વધુ તેલ આયાત કરે છે. જો ક્રૂડ ઓઈલના ભાવ સતત $100 થી ઉપર રહેશે, તો આગામી દિવસોમાં દેશમાં મોંઘવારીનો મોટો આંચકો લાગી શકે છે. જોકે, ભારત સરકારે હાલમાં રશિયા પાસેથી તેલ ખરીદવાના વિકલ્પો અને અન્ય વૈકલ્પિક માર્ગો પર ધ્યાન કેન્દ્રિત કર્યું છે જેથી સ્થાનિક ભાવને અંકુશમાં રાખી શકાય.
આ પણ વાંચો : સરકારનો મોટો નિર્ણય, હવે 25 દિવસ પહેલા નહીં મળે બીજો ગેસ સિલિન્ડર
