Countdown to Conflict: વિશ્વ અત્યારે બીજા એક વિનાશક યુદ્ધના ભય નીચે જીવી રહ્યું છે. અમેરિકા અને ઈરાન વચ્ચે પરમાણુ કરારને લઈને ચાલી રહેલી ખેંચતાણ હવે તેના ચરમસીમાએ પહોંચી ગઈ છે. જો જીનીવામાં ચાલી રહેલી શાંતિ મંત્રણાઓ નિષ્ફળ જશે, તો આગામી 3 દિવસમાં અમેરિકા ઈરાન પર મોટી સૈન્ય કાર્યવાહી કરે તેવી પ્રબળ શક્યતા છે.
Countdown to Conflict: ટ્રમ્પનું અલ્ટીમેટમ: સેના ‘એલર્ટ મોડ’ પર
અમેરિકન પ્રમુખ ડોનાલ્ડ ટ્રમ્પે સ્પષ્ટ સંકેત આપ્યા છે કે તેઓ હવે વધુ રાહ જોવાના મૂડમાં નથી. પેન્ટાગોન અને ટોચના સુરક્ષા અધિકારીઓએ ટ્રમ્પને રિપોર્ટ સોંપ્યો છે કે અમેરિકી સેના શનિવાર સુધીમાં કોઈપણ સૈન્ય હુમલા માટે સંપૂર્ણ રીતે સજ્જ છે. સાવચેતીના ભાગરૂપે, અમેરિકાએ મધ્ય પૂર્વ (Middle East) માંથી પોતાના બિનજરૂરી કર્મચારીઓને પાછા બોલાવવાનું પણ શરૂ કરી દીધું છે.
Countdown to Conflict: ઈરાનનો ‘મોઝેક ડિફેન્સ’ અને રશિયાનો સાથ
સામે પક્ષે ઈરાન પણ નમતું જોખવા તૈયાર નથી. ઈરાને અમેરિકાને ખાળવા માટે ‘મોઝેક ડિફેન્સ’ નામની અત્યંત જટિલ વ્યૂહરચના અમલમાં મૂકી છે:
- કમાન્ડ સિસ્ટમ: પરમાણુ કેન્દ્રોની આસપાસ સુરક્ષા અભેદ્ય બનાવી દેવામાં આવી છે.
- નેવલ ફોર્સ: સ્ટ્રેટ ઓફ હોર્મુઝ પાસે ઈરાની રિવોલ્યુશનરી ગાર્ડ્સ (IRGC) ની ટુકડીઓ તૈનાત છે.
- રશિયન કનેક્શન: ઈરાની સમુદ્રી સીમામાં રશિયાનું યુદ્ધજહાજ પણ કવાયતમાં જોડાયું છે, જે અમેરિકા માટે મોટી ચિંતાનો વિષય છે.
Countdown to Conflict:મંત્રણામાં ક્યાં અટકે છે વાત?
મંગળવારે જેરેડ કુશનર અને ઈરાનના વિદેશ મંત્રી વચ્ચે ત્રણ કલાક લાંબી બેઠક ચાલી હતી. મંત્રણાઓ સકારાત્મક હોવાનો દાવો કરાયો છે, પરંતુ અમેરિકન ઉપપ્રમુખ જેડી વેન્સે સ્પષ્ટ કર્યું છે કે ઈરાન હજુ પણ ટ્રમ્પની ‘રેડ લાઈન્સ’ (કડક શરતો) સ્વીકારવા તૈયાર નથી. ઈઝરાયેલની ગુપ્તચર એજન્સીઓના મતે પણ બંને દેશો સીધા સશસ્ત્ર સંઘર્ષની અત્યંત નજીક છે.
શનિવાર સુધી દુનિયાની નજર
જો આગામી 72 કલાકમાં કોઈ રાજદ્વારી ઉકેલ નહીં આવે, તો મધ્ય પૂર્વમાં ભયાનક યુદ્ધ ફાટી નીકળશે, જેની અસર સમગ્ર વિશ્વના અર્થતંત્ર અને ખાસ કરીને ક્રૂડ ઓઈલના ભાવ પર પડી શકે છે.
વધુ સમાચાર વાંચવા માટે અંહી ક્લિક કરો
