Historic Meet in Mumbai:ભારતના ચાર દિવસના પ્રવાસે આવેલા ફ્રાન્સના રાષ્ટ્રપ્રમુખ ઈમેન્યુઅલ મેક્રોન અને વડાપ્રધાન નરેન્દ્ર મોદી વચ્ચે આજે મુંબઈના લોકભવનમાં એક અત્યંત મહત્વપૂર્ણ બેઠક યોજાઈ હતી. આ મુલાકાત બાદ બંને નેતાઓએ સંયુક્ત પ્રેસ કોન્ફરન્સમાં ડિફેન્સ, ટેકનોલોજી અને એરોનોટિક્સ ક્ષેત્રે અનેક મોટી જાહેરાતો કરી છે.
Historic Meet in Mumbai:માઉન્ટ એવરેસ્ટની ઊંચાઈ સુધી ઉડશે મેડ-ઈન-ઈન્ડિયા હેલિકોપ્ટર
પ્રેસ કોન્ફરન્સમાં સૌથી વધુ આકર્ષણનું કેન્દ્ર H-125 હેલિકોપ્ટર ડીલ રહી હતી. પીએમ મોદીએ ગર્વ સાથે જાહેરાત કરી કે:
- ભારત અને ફ્રાન્સ સંયુક્ત રીતે વિશ્વનું એવું પ્રથમ હેલિકોપ્ટર બનાવશે જે માઉન્ટ એવરેસ્ટની ઊંચાઈ સુધી ઉડવાની ક્ષમતા ધરાવતું હશે.
- આ હેલિકોપ્ટરનું ઉત્પાદન ભારતમાં થશે અને ત્યારબાદ તેને સમગ્ર વિશ્વમાં નિકાસ (Export) કરવામાં આવશે.
Historic Meet in Mumbai:વ્યૂહાત્મક ભાગીદારીને નવી ઊર્જા
પીએમ મોદીએ ફ્રાન્સને ભારતનો સૌથી જૂનો અને વિશ્વસનીય વ્યૂહાત્મક ભાગીદાર ગણાવતા કહ્યું કે, “અમે બંને દેશોના સંબંધોને વૈશ્વિક સ્થિરતા અને પ્રગતિના માધ્યમ તરીકે સ્થાપિત કરી રહ્યા છીએ. યુરોપીય સંઘ (EU) સાથેના મુક્ત વેપાર કરાર (FTA) બાદ ભારત-ફ્રાન્સના વેપારમાં અભૂતપૂર્વ ગતિ આવશે.”
Historic Meet in Mumbai:ભવિષ્યના નિર્માણ માટેના 3 મહત્વના કેન્દ્રોની જાહેરાત
ટેકનોલોજી અને ઈનોવેશનને પ્રોત્સાહન આપવા માટે પીએમ મોદીએ ત્રણ નવા સેન્ટર લોન્ચ કરવાની જાહેરાત કરી છે:
- Indo-French Center for AI in Health: સ્વાસ્થ્ય ક્ષેત્રે આર્ટિફિશિયલ ઇન્ટેલિજન્સનો ઉપયોગ.
- Indo-French Center for Digital Science & Tech: ડિજિટલ વિજ્ઞાનમાં સંશોધન.
- National Center of Excellence in Aeronautics: એરોનોટિક્સ ક્ષેત્રે કૌશલ્ય વર્ધન માટે.
ગ્લોબલ શાંતિ અને આતંકવાદ પર પ્રહાર
વિશ્વમાં ચાલી રહેલા યુદ્ધો તરફ ઈશારો કરતા વડાપ્રધાને સ્પષ્ટ કર્યું કે ભારત અને ફ્રાન્સ યુક્રેન, પશ્ચિમ એશિયા અને ઇન્ડો-પેસિફિક ક્ષેત્રમાં શાંતિના પ્રયાસોનું સમર્થન કરશે. તેમણે આતંકવાદને જળમૂળથી ઉખેડી ફેંકવા માટેની પ્રતિબદ્ધતા પણ દોહરાવી હતી.
સાંસ્કૃતિક સેતુ: પીએમ મોદીએ જાહેરાત કરી હતી કે ટૂંક સમયમાં ફ્રાન્સમાં ‘સ્વામી વિવેકાનંદ કલ્ચરલ સેન્ટર’ શરૂ કરવામાં આવશે, જે બંને દેશો વચ્ચેના સાંસ્કૃતિક સંબંધોને મજબૂત બનાવશે.
આ પણ વાંચો :સોશિયલ મીડિયા ઇન્ફ્લુએન્સર કીર્તિ પટેલ સામે FIR, સાધુ-સંતો પર કર્યા ગંભીર આક્ષેપ
