Yogi Adityanath slams Opposition: ઉત્તર પ્રદેશના મુખ્યમંત્રી યોગી આદિત્યનાથે સોમવારે વિધાન પરિષદમાં રાજ્યપાલના અભિભાષણ પરની ચર્ચા દરમિયાન વિપક્ષી દળો પર આકરા પ્રહારો કર્યા હતા. તેમણે ભૂતકાળની સરકારોની ટીકા કરતા જણાવ્યું કે, જે લોકો રામ મંદિર અને કાશી વિશ્વનાથ ધામનો વિરોધ કરતા હતા, તેમણે ઉત્તર પ્રદેશને અરાજકતાના ગઢમાં ફેરવી દીધું હતું. જોકે, આજે ડબલ એન્જિન સરકારના કારણે રાજ્ય ‘બીમારુ’ શ્રેણીમાંથી બહાર આવી ‘બ્રેકથ્રૂ સ્ટેટ’ બન્યું છે.
Yogi Adityanath slams Opposition:’વન ડિસ્ટ્રિક્ટ વન માફિયા’ થી ‘ઝીરો ટોલરન્સ’ સુધીની સફર
CM યોગીએ કાયદો અને વ્યવસ્થાના મુદ્દે પાછલી સરકારોને ઘેરતા કહ્યું કે:
- માફિયા રાજનો અંત: 2017 પહેલા રાજ્યમાં ગુંડાઓ અને માફિયાઓ સમાંતર સરકાર ચલાવતા હતા. ત્યારે ‘વન ડિસ્ટ્રિક્ટ વન માફિયા’ જેવી સ્થિતિ હતી.
- ઉત્સવ પ્રદેશ: આજે ઉત્તર પ્રદેશની છબી બદલાઈ છે. “ઉપદ્રવ પ્રદેશ” હવે “ઉત્સવ પ્રદેશ” બન્યો છે. હવે રાજ્યમાં ક્યાંય રમખાણો થતા નથી કે કર્ફ્યુ લાગતો નથી, હવે બધું જ ‘ચંગા’ છે.
- ફેથ ઝોન: યુપી હવે ‘ફિયર ઝોન’ માંથી ‘ફેથ ઝોન’ માં પરિવર્તિત થયું છે.
Yogi Adityanath slams Opposition:ટેમ્પલ ઇકોનોમીમાં મોટો ઉછાળો
મુખ્યમંત્રીએ સુરક્ષા અને શ્રદ્ધાના સંગમ પર ભાર મૂકતા જણાવ્યું કે, હવે રાજ્યમાં ‘ટેમ્પલ ઇકોનોમી’ ગ્રોથ કરી રહી છે. અગાઉ માઘ મેળામાં માત્ર લાખોની સંખ્યામાં શ્રદ્ધાળુઓ આવતા હતા, પરંતુ આ વખતે 21 કરોડથી વધુ લોકો ઉમટી પડ્યા છે. આ લોકોનો સરકારની સુરક્ષા વ્યવસ્થા પરના અતૂટ વિશ્વાસનું પ્રતીક છે.
Yogi Adityanath slams Opposition:રોજગાર અને મહિલા સશક્તિકરણના આંકડા
પોતાની સરકારની ઉપલબ્ધિઓ ગણાવતા તેમણે રોજગાર અંગે મહત્વની વિગતો આપી:
- પોલીસ ભરતી: પોલીસ વિભાગમાં કુલ 2.19 લાખ ભરતીઓ કરવામાં આવી છે.
- દીકરીઓને પ્રાધાન્ય: આ ભરતીઓમાં 20% હિસ્સો દીકરીઓનો છે. 2017માં યુપી પોલીસમાં માત્ર 10,000 મહિલાઓ હતી, જે આજે વધીને 44,000 થી વધુ થઈ ગઈ છે.
- ફોરેન્સિક લેબ: અગાઉ માત્ર 2 ફોરેન્સિક લેબ હતી, જેની સામે આજે 12 કાર્યરત છે અને 6 બની રહી છે.
- PAC બટાલિયન: જે PAC બંધ થવાની અણી પર હતી, ત્યાં આજે 34 વાહિનીઓ કાર્યરત છે, જેમાં 3 નવી મહિલા બટાલિયનનો પણ સમાવેશ થાય છે.
“હવે યુપીમાં કર્ફ્યુ કલ્ચર નહીં, પણ ઝીરો ટોલરન્સ કલ્ચર ચાલે છે.” – CM યોગી આદિત્યનાથ
