Special 26 Style Fraud in Surat: સુરતના વરાછા વિસ્તારમાં અક્ષય કુમારની પ્રખ્યાત ફિલ્મ ‘સ્પેશિયલ 26’ જેવો કિસ્સો પ્રકાશમાં આવ્યો છે. ઇન્કમ ટેક્સ ઓફિસરનો રુઆબદાર ગેટઅપ ધારણ કરી વેપારીઓને લૂંટવા નીકળેલો એક ભેજાબાજ આખરે પોલીસના સકંજામાં આવી ગયો છે. હાથમાં નકલી ફાઈલો, આંખ પર એવિએટર ચશ્મા અને ઇસ્ત્રી ટાઈટ કોટ પહેરીને રેડ પાડવા આવેલા આ ‘નકલી સાહેબ’ને જોતા એક સમયે તો વેપારીઓ પણ ગોથું ખાઈ ગયા હતા.
Special 26 Style Fraud in Surat: ગ્રેજ્યુએટ ઠગનો હાઈ-પ્રોફાઈલ ગેટઅપ
રાજસ્થાનના પાલી જિલ્લાના વતની 51 વર્ષીય વિજયસિંહ ચૌહાણે વેપારીઓને છેતરવા માટે મોટું કાવતરું ઘડ્યું હતું. તે માત્ર 24 કલાક પહેલા જ સુરત આવ્યો હતો. પોતે વર્ષ 1989માં ગ્રેજ્યુએટ થયેલો હોવાથી અને પાલીમાં ટેક્સ સંબંધિત છૂટક કામ કરતો હોવાથી તેને વિભાગની કામ કરવાની પદ્ધતિની પૂરેપૂરી જાણકારી હતી. આ જ જાણકારીનો ઉપયોગ કરીને તેણે ગ્લોબલ ટેક્સટાઇલ માર્કેટના વેપારીઓને નિશાન બનાવ્યા હતા.
Special 26 Style Fraud in Surat: ઓવર-એક્ટિંગ ભારે પડી: 30 લાખની માંગી ખંડણી
આ ઠગબાજે માર્કેટની દુકાનમાં ઘૂસીને ફાઈલો પછાડી રોફ જમાવવાનું શરૂ કર્યું હતું. તેણે વેપારી પાસે શરૂઆતમાં 30 લાખની ખંડણી માંગી અને બાદમાં 4 લાખની માગણી કરી હતી. જોકે, તેની વધુ પડતી એક્ટિંગ અને વાતચીતની કચાશ જોઈને વેપારીને શંકા ગઈ હતી. આ દરમિયાન ત્યાં હાજર એક વ્યક્તિ તેને ઓળખી ગયો હતો, જેના કારણે તેનો ભાંડો ફૂટી ગયો હતો.
Special 26′ Style Fraud in Surat: ખાખી સામે ફિલ્મી એક્ટિંગ ન ચાલી
વેપારીએ તાત્કાલિક વરાછા પોલીસને જાણ કરતા પોલીસ કાફલો ઘટનાસ્થળે પહોંચી ગયો હતો. પોલીસની હાજરીમાં પણ વિજયસિંહ પોતાનો રુઆબ જાળવી રાખવાનો પ્રયાસ કરતો હતો, પરંતુ પોલીસની કડક પૂછપરછમાં તેની તમામ ફિલ્મી એક્ટિંગ ઓગળી ગઈ હતી. પોલીસે બ્લીસ હોટલ ખાતેથી તેની ધરપકડ કરી છે.
પોલીસ તપાસમાં ચોંકાવનારા ખુલાસા
- ઇન્ફોર્મર હોવાનો દાવો: પકડાયા બાદ આરોપીએ એવો દાવો કર્યો હતો કે તે ઇન્કમ ટેક્સ વિભાગ માટે ‘ઇન્ફોર્મર’ તરીકે કામ કરે છે, જેની સત્યતા પોલીસ તપાસી રહી છે.
- ટૂંકા ગાળાનો પ્લાન: સુરત આવ્યાના માત્ર 24 કલાકમાં જ તેણે આઇટી અધિકારી બનીને લાખો રૂપિયા ખંખેરવાનો પ્લાન અમલમાં મૂક્યો હતો.
- ભૂતકાળની તપાસ: વરાછા પોલીસ હવે એ તપાસ કરી રહી છે કે આ કોર્ટ-ટાઈ વાળા લુકમાં વિજયસિંહે અગાઉ કેટલા વેપારીઓને પોતાનો શિકાર બનાવ્યા છે.
આ પણ વાંચો :બગદાણા ચકચારી કેસ: માયાભાઈ આહીરનો પુત્ર જયરાજ ૧૪ દિવસે જેલમુક્ત થશે, મહુવા કોર્ટે મંજૂર કર્યા શરતી જામીન
