Dhurandhar 2:લાંબા સમયથી રાહ જોવાઈ રહેલી આદિત્ય ધરની મોસ્ટ અવેટેડ ફિલ્મ **‘ધુરંધર: ધ રિવેંજ’**નું ટીઝર આખરે રિલીઝ થઈ ગયું છે. ટીઝર રિલીઝ થતાં જ સોશિયલ મીડિયા પર ધૂમ મચી ગઈ છે. રણવીર સિંહે ગઈકાલે સોશિયલ મીડિયા પર હિન્ટ આપી હતી અને આજે સવારે ફિલ્મનું પોસ્ટર રિલીઝ કરીને ચાહકોની એક્સાઈટમેન્ટને ડબલ કરી દીધી હતી.
Dhurandhar 2:કેવું છે ‘ધુરંધર 2’નું ટીઝર?
રિલીઝ થયેલા ટીઝરમાં રણવીર સિંહ અત્યાર સુધીના સૌથી ખતરનાક અને ઇન્ટેન્સ અવતારમાં જોવા મળે છે. ગોળીઓનો વરસાદ, ધમાકેદાર ડાયલોગ્સ અને અંધાધૂંધ એક્શન સાથે ટીઝર એ સ્પષ્ટ સંકેત આપે છે કે આ વખતે એક્શન અને ડ્રામાનો ડબલ ડોઝ જોવા મળશે. રણવીર ફરી એકવાર **‘હમઝા અલી મઝારી’**ના દમદાર પાત્રમાં રૂપેરી પડદે ધૂમ મચાવવા તૈયાર છે.
Dhurandhar 2:ફિલ્મની સ્ટોરી શું હશે?
‘ધુરંધર: ધ રિવેંજ’ની કહાની આ વખતે હમઝાના બદલા પર આધારિત રહેશે. ફિલ્મમાં ‘મોટા સાહેબ’ની અસલી ઓળખ પરથી પડદો ઉઠાવવામાં આવશે. સાથે જ હમઝા એટલે કે જસકીરત સિંહ રંગીના ભૂતકાળની અનકહી વાર્તા પણ દર્શકોને જોવા મળશે, જે ફિલ્મને વધુ ઇમોશનલ અને ઇન્ટેન્સ બનાવશે.
Dhurandhar 2:ટીઝર પહેલા રણવીરનું દમદાર પોસ્ટર
ટીઝર રિલીઝ પહેલા રણવીરે લાલ બેકગ્રાઉન્ડ અને ધોધમાર વરસાદ વચ્ચે ઊભેલા પોતાના આક્રમક લુકનું પોસ્ટર શેર કર્યું હતું. પોસ્ટર સાથે તેણે કેપ્શન લખ્યું હતું —
‘અબ બિગડને કા વક્ત આ ગયા હૈ’,
જે ચાહકોમાં વધુ ઉત્સાહ ફેલાવી ગયો.
ક્યારે રિલીઝ થશે ફિલ્મ?
આદિત્ય ધરના નિર્દેશનમાં બનેલી ‘ધુરંધર: ધ રિવેંજ’ ફિલ્મ 19 માર્ચ, 2026ના રોજ સિનેમાઘરોમાં રિલીઝ થશે. હાલમાં ફિલ્મનું શૂટિંગ ચાલી રહ્યું છે, પરંતુ ટીઝરે પહેલેથી જ સોશિયલ મીડિયા પર જબરદસ્ત બઝ ઊભો કરી દીધો છે.
ભારતમાં ‘ધુરંધર’નું કલેક્શન
‘ધુરંધર’એ બોક્સ ઓફિસ પર ઐતિહાસિક સફળતા મેળવી હતી.
- પ્રથમ સપ્તાહ: ₹218.00 કરોડ
- બીજું સપ્તાહ: ₹261.50 કરોડ
- ત્રીજું સપ્તાહ: ₹189.30 કરોડ
- ચોથું સપ્તાહ: ₹115.70 કરોડ
- પાંચમું સપ્તાહ: ₹35.80 કરોડ
- 32મો દિવસ: ₹5.40 કરોડ
- 33મો દિવસ: ₹5.70 કરોડ
ભારતમાં કુલ નેટ કલેક્શન: ₹831.40 કરોડ
‘ધુરંધર’ એક સ્પાય થ્રિલર ફિલ્મ છે, જેમાં રણવીર સિંહ સાથે અર્જુન રામપાલ, અક્ષય ખન્ના, સંજય દત્ત અને આર. માધવન મુખ્ય ભૂમિકામાં જોવા મળ્યા હતા. હવે તેની સિક્વલ પાસેથી પણ દર્શકોને મોટી અપેક્ષાઓ છે.
આ પણ વાંચો :Pm modi નું એનડીએની બેઠકમાં ભવ્ય સ્વાગત , અમેરિકા સાથે ટ્રેડ ડિલ ફાઇનલ
