Ahmedabad Crime News:અમદાવાદમાં ગુનાખોરીનો ગ્રાફ સતત ચિંતાજનક રીતે વધી રહ્યો છે. શહેરના મકરબા વિસ્તારમાં એક હચમચાવી દેનારી ઘટના સામે આવી છે, જ્યાં મિલકતના વિવાદમાં પુત્રએ પોતાની જ માતાની નિર્મમ હત્યા કરી નાખી છે. આ બનાવે સમગ્ર વિસ્તારમાં ચકચાર મચાવી દીધી છે.
Ahmedabad Crime News: પૈસાની માંગ અને ઉગ્ર ઝઘડો
મળતી માહિતી અનુસાર, મકરબા વિસ્તારમાં આવેલા ઔડાના મકાનોમાં રહેતા કપિલાબેન દેવીપૂજક અને તેમના પુત્ર અજય વચ્ચે લાંબા સમયથી ઘરની માલિકી અને મિલકતને લઈને વિખવાદ ચાલતો હતો.
30મી જાન્યુઆરીની મોડી રાત્રે અજયે માતા પાસે ઘરના બદલામાં પૈસા માંગ્યા હતા. કપિલાબેને સ્પષ્ટ ઈનકાર કરતાં જ અજય ઉશ્કેરાઈ ગયો.
Ahmedabad Crime News: દંડાના ઘા ઝીંકી માતાની હત્યા
આવેશમાં આવેલા અજયે ઘરમાં પડેલા લાકડાના દંડાથી માતાના માથા પર અનેક ઘા માર્યા, જેના કારણે કપિલાબેન ગંભીર રીતે ઈજાગ્રસ્ત થયા હતા. લોહી લથપથ હાલતમાં તેમને તાત્કાલિક સારવાર માટે હોસ્પિટલમાં ખસેડવામાં આવ્યા હતા, પરંતુ સારવાર દરમિયાન તેમનું મોત નીપજ્યું હતું.
પોલીસની તાત્કાલિક કાર્યવાહી
ઘટનાની જાણ થતાં આનંદનગર પોલીસ ઘટનાસ્થળે પહોંચી હતી. પોલીસે આરોપી પુત્ર અજયની ધરપકડ કરી તેની સામે હત્યા (મર્ડર)નો ગુનો નોંધ્યો છે. મૃતદેહને પોસ્ટમોર્ટમ માટે મોકલી આગળની તપાસ શરૂ કરવામાં આવી છે.
શહેરમાં વધતી હિંસા પર ચિંતા
નોંધનીય છે કે, શુક્રવારે (30મી જાન્યુઆરી) જ સરખેજ વિસ્તારમાં પ્રેમપ્રકરણ અને અદાવતમાં એક યુવકની છરીના ઘા ઝીંકી હત્યા કરવામાં આવી હતી. સતત સામે આવી રહેલી આવી ઘટનાઓએ અમદાવાદમાં કાયદો-વ્યવસ્થાને લઈને ગંભીર પ્રશ્નો ઊભા કર્યા છે.
પોલીસ દ્વારા સમગ્ર મામલે વધુ તપાસ હાથ ધરવામાં આવી છે અને મિલકત સંબંધિત દસ્તાવેજો તથા આરોપીના ભૂતકાળની વિગતો પણ ખંગાળવામાં આવી રહી છે.
આ પણ વાંચો : ડાંગમાં આશ્રમશાળાના ટ્રસ્ટીએ ગુજાર્યું દુષ્કર્મ: 15 વર્ષની સગીરાને કેફી પીણું પીવડાવી આચર્યું પાપ,
