Gujarat Weather Update:રાજ્યમાં એક વખત ફરી કમોસમી વરસાદની શક્યતા વ્યક્ત થતાં ખેડૂતોની ચિંતા વધી ગઈ છે. હવામાન નિષ્ણાંત પરેશ ગોસ્વામીના જણાવ્યા અનુસાર, આગામી 21 જાન્યુઆરીથી 26 જાન્યુઆરી દરમિયાન ગુજરાતના અનેક વિસ્તારોમાં માવઠું પડી શકે છે. આ સમયગાળા દરમિયાન સમગ્ર રાજ્યમાં વાદળછાયું વાતાવરણ રહેશે, જ્યારે ઉત્તર ગુજરાત અને કચ્છના કેટલાક ભાગોમાં હળવા વરસાદની સંભાવના છે.
કમોસમી વરસાદની આ આગાહી ખાસ કરીને ખેતી પર નિર્ભર વિસ્તારો માટે ચિંતાજનક માનવામાં આવી રહી છે, કારણ કે હાલ રવિ પાક અને કેરીના મોરની સ્થિતિ નાજુક છે.
Gujarat Weather Update:ઉત્તર ગુજરાત અને કચ્છમાં વરસાદની શક્યતા
હવામાન વિભાગના અનુમાન મુજબ, 21થી 25 જાન્યુઆરી દરમિયાન કચ્છ, ઉત્તર ગુજરાત તેમજ સૌરાષ્ટ્રના કેટલાક વિસ્તારોમાં હળવો વરસાદ પડી શકે છે. અમુક વિસ્તારોમાં વરસાદ નહીં પડે પરંતુ વાદળછાયું વાતાવરણ રહેતા તાપમાનમાં ઘટાડો જોવા મળશે.
ખાસ કરીને બનાસકાંઠા, પાટણ, મહેસાણા, સાબરકાંઠા તેમજ કચ્છના ગ્રામ્ય વિસ્તારોમાં માવઠાની શક્યતા વધુ હોવાનું જણાવવામાં આવ્યું છે.
Gujarat Weather Update:વાદળછાયા વાતાવરણ બાદ તીવ્ર ઠંડી
જ્યોતિષ અને હવામાન નિષ્ણાંત જયપ્રકાશ માઢકેના જણાવ્યા મુજબ, 26 જાન્યુઆરી આસપાસ દેશના અનેક રાજ્યોમાં હવામાનમાં મોટો ફેરફાર જોવા મળી શકે છે. આ દરમિયાન કમોસમી વરસાદ, કેટલાક પર્વતીય વિસ્તારોમાં બરફવર્ષા, ધુમ્મસ અને ઠંડીની લહેર જોવા મળશે.
પંજાબ, હરિયાણા, દિલ્હી, ઉત્તર પ્રદેશ, રાજસ્થાન, મધ્ય પ્રદેશ સાથે ગુજરાતમાં પણ ફરી એક વખત ઠંડીની લહેર અનુભવાશે. ખાસ કરીને રાત્રિના સમયે ઠંડી વધુ તીવ્ર બનવાની સંભાવના છે.
Gujarat Weather Update:ખેડૂતો માટે ચેતવણી, કેરીના પાક પર આફત
કમોસમી વરસાદની આ આગાહીથી ખેડૂતોમાં ચિંતા વ્યાપી છે. ખાસ કરીને કેરી, ઘઉં, જીરું, રાઈ અને ચણા જેવા રવિ પાકોને નુકસાન પહોંચવાની ભીતિ વ્યક્ત કરવામાં આવી રહી છે. કેરીના બગીચાઓમાં હાલ મોર આવતો હોવાથી વરસાદ અને ભેજ પાક માટે નુકસાનકારક સાબિત થઈ શકે છે.
ખેડૂતોને સલાહ આપવામાં આવી છે કે તેઓ પોતાના પાકને સુરક્ષિત રાખવા માટે આગોતરા પગલાં લે અને હવામાન અપડેટ્સ પર નજર રાખે.
આગામી દિવસો મહત્વપૂર્ણ
આગામી પાંચ દિવસ ગુજરાત માટે હવામાનની દૃષ્ટિએ મહત્વપૂર્ણ રહેશે. વરસાદની તીવ્રતા અને વિસ્તાર સ્પષ્ટ થતાં જ તેની અસર ખેતી અને સામાન્ય જનજીવન પર પડશે. હવામાન વિભાગ દ્વારા સ્થિતિ પર સતત નજર રાખવામાં આવી રહી છે.
આ પણ વાંચો :Gujarat Assembly Budget Session 2026: ગુજરાત વિધાનસભા બજેટ સત્ર 2026ની તારીખો જાહેર
