TVS Apache RTX 300:ચેન્નાઈ TVS મોટરે પોતાની પહેલી એડવેન્ચર-ટૂરર બાઇક Apache RTX 300ની ડિલિવરી સત્તાવાર રીતે શરૂ કરી દીધી છે. ઓક્ટોબર 2025માં લોન્ચ થયેલી આ બાઇક લાંબા સમયથી બાઇક પ્રેમીઓની ચર્ચાનો કેન્દ્ર બની રહી હતી. હવે કંપનીએ બુકિંગના ક્રમ પ્રમાણે ગ્રાહકોને બાઇક પહોંચાડવાની પ્રક્રિયા શરૂ કરી છે.
TVS Apache RTX 300:વેરિઅન્ટ મુજબ કિંમતો
Apache RTX 300ને કંપનીએ ત્રણ વેરિઅન્ટમાં રજૂ કરી છે:
- બેઝ વેરિઅન્ટ: ₹1.99 લાખ
- ટોપ વેરિઅન્ટ: ₹2.14 લાખ
- Built To Order (BTO) વેરિઅન્ટ:
- વાઇપર ગ્રીન કલર: ₹2.34 લાખ
- લાઈટનિંગ બ્લેક, મેટાલિક બ્લુ, ટર્ન બ્રોન્ઝ: ₹2.29 લાખ
કંપનીની BTO સર્વિસ હેઠળ ગ્રાહક પોતાની પસંદગી પ્રમાણે બાઇકને કસ્ટમાઇઝ પણ કરાવી શકે છે.
TVS Apache RTX 300:ડિલિવરી પ્રક્રિયા શરૂ, પ્રથમ શહેર બેંગ્લોર
TVSએ ડિલિવરી બેંગ્લોરમાંથી શરૂ કરી છે અને ટૂંક સમયમાં દેશના અન્ય શહેરોમાં પણ વાહન પહોંચાડવાનું શરૂ કરવામાં આવશે. કંપનીનો ઉદ્દેશ્ય તમામ બુકિંગ્સ સમયસર પૂર્ણ કરવાનો છે, જેથી લાંબા સમયથી રાહ જોયેલા ગ્રાહકોને હવે વિલંબ ન થાય.
TVS Apache RTX 300:ડિઝાઇન : ખરો એડવેન્ચર લુક સ્ટીલ ફ્રેમ સાથે
TVS Apache RTX 300નું ડિઝાઇન એડવેન્ચર સેગમેન્ટની બાઇક જેવી જ મજબૂત અને હેન્ટી છે.
મહત્વના ફીચર્સ:
- ટ્વીન-LED હેડલાઇટ
- લાર્જ વિન્ડસ્ક્રીન
- શાર્પ બોડી પેનલ્સ
- સ્ટીલ ટ્રેલિસ ફ્રેમ
- ફ્રન્ટે 19-ઇંચ અને રિયર 17-ઇંચ વ્હિલ્સ
- લૉન્ગ-ટ્રાવેલ USD ફ્રન્ટ સસ્પેન્શન
- મોનોશોક રિયર સસ્પેન્શન
- ડ્યુઅલ-પરપઝ ટાયર્સ
કલર ઓપ્શન: વાઇપર ગ્રીન, મેટાલિક બ્લુ, પર્લ વ્હાઇટ, લાઈટનિંગ બ્લેક, ટર્ન બ્રોન્ઝ.
એન્જિન અને પાવરટ્રેન : 35 HP નો દમ
આ બાઇકમાં 299cc લિક્વિડ-કૂલ્ડ RT-XD4 એન્જિન આપવામાં આવ્યો છે.
- પાવર: 35 HP
- ટોર્ક: 28.5 Nm
- ગિયરબોક્સ: 6-સ્પીડ
- સ્લિપ-એન્ડ-આસિસ્ટ ક્લચ
- ક્વિકશિફ્ટર
- રાઇડ-બાય-વાયર સિસ્ટમ
આ સેટઅપ લાંબી મુસાફરી અને ઑફ-રોડ રાઈડમાં પણ સ્મૂથ પરફોર્મન્સ આપે છે.
ફીચર્સ : 5-ઇંચ TFT સ્ક્રીન, ટ્રેક્શન કંટ્રોલ & ક્રુઝ કંટ્રોલ
Apache RTX 300 ફીચર્સના મામલે એડવેન્ચર સેગમેન્ટમાં મજબૂત સ્પર્ધક બની છે.
મુખ્ય સુવિધાઓ :
- ટ્રેક્શન કંટ્રોલ
- ABSના 3 મોડ: રેલી, અર્બન, રેઈન
- 5-ઇંચ TFT ડિસ્પ્લે
- ક્રુઝ કંટ્રોલ
- ટર્ન-બાય-ટર્ન નેવિગેશન
- SmartX કનેક્ટ દ્વારા કોલ અને મ્યુઝિક કંટ્રોલ
TVS Apache RTX 300ની ડિલિવરી શરૂઆત બાદ હવે એડવેન્ચર બાઇક સેગમેન્ટમાં નવી સ્પર્ધા જોવા મળશે. ગ્રાહકો માટે TVSનું આ મોડેલ ફીચર્સ, પાવર અને કિફાયતી કિંમતનું કોમ્બિનેશન સાબિત થઈ રહ્યું છે.
વધુ સમાચાર વાંચવા માટે અહી ક્લિક કરો
SIR Timeline:ચૂંટણી પંચે SIRની સમયમર્યાદા એક સપ્તાહ લંબાવી; અંતિમ મતદાર યાદી હવે 14 ફેબ્રુઆરીએ
