SIR Timeline: દેશના 12 રાજ્યો અને કેન્દ્રશાસિત પ્રદેશોમાં ચાલી રહેલા **સ્પેશિયલ ઇન્ટેન્સિવ રિવિઝન (SIR)**ની સમયમર્યાદા ચૂંટણી પંચે એક સપ્તાહ વધારવાની જાહેરાત કરી છે. પંચે જણાવ્યું છે કે હવે અંતિમ મતદાર યાદી 14 ફેબ્રુઆરી 2026ના રોજ જાહેર કરવામાં આવશે.
SIR Timeline:મતદાર ઉમેરા-કાપણીની સમયમર્યાદા 11 ડિસેમ્બર સુધી
ચૂંટણી પંચે મતદાર ઉમેરવા, કાઢવા અને સુધારણા માટેનો વેરિફિકેશન પિરિયડ 4 ડિસેમ્બરથી વધારીને 11 ડિસેમ્બર સુધી લંબાવ્યો છે.
તે ઉપરાંત, પૂર્વનિર્ધારિત મુજબ 9 ડિસેમ્બરે જાહેર થનાર ડ્રાફ્ટ મતદાર યાદી હવે 16 ડિસેમ્બરના રોજ બહાર પાડવામાં આવશે.
SIR Timeline:12 રાજ્યો અને કેન્દ્રશાસિત પ્રદેશોમાં 28 ઓક્ટોબરથી SIR પ્રક્રિયા ચાલુ
બિહાર બાદ હવે દેશભરના 12 રાજ્યો અને કેન્દ્રશાસિત પ્રદેશોમાં 28 ઓક્ટોબરથી SIR પ્રક્રિયા શરૂ થઈ છે. આ દરમિયાન
- નવા મતદારોના નામ ઉમેરાશે,
- મૃત્યુ પામેલા અથવા સ્થળાંતર કરેલા મતદારોના નામ દૂર કરાશે,
- અને મતદાર યાદીઓમાં જોવા મળતી ભૂલોનું સુધારણ કરવામાં આવશે.
બંગાળમાં SIR થશે, પરંતુ આસામમાં નહીં
આવતા વર્ષે ચૂંટણી ધરાવતા પશ્ચિમ બંગાળમાં SIR થશે, પરંતુ આસામમાં આ પ્રક્રિયા હાથ ધરવામાં આવશે નહીં.
ચૂંટણી પંચે સ્પષ્ટ કર્યું છે કે આસામમાં નાગરિકતા અને મતદાર યાદી સંબંધિત નિયમો અલગ હોવાથી ત્યાં SIRનો મિકેનિઝમ જુદો રહેશે.
SIRચાલી રહેલા 12 રાજ્યો અને કેન્દ્રશાસિત પ્રદેશો
- ગુજરાત
- છત્તીસગઢ
- ગોવા
- આંદામાન નિકોબાર
- કેરળ
- લક્ષદ્વીપ
- મધ્ય પ્રદેશ
- પુડુચેરી
- રાજસ્થાન
- તમિલનાડુ
- ઉત્તર પ્રદેશ
- પશ્ચિમ બંગાળ
ચૂંટણી પંચે જણાવ્યું છે કે સમયમર્યાદા વધારવાથી વધુ મતદારોને પોતાના નામોની ચકાસણી, સુધારણા અને નોંધણી કરવા માટે પૂરતો સમય મળશે.
વધુ સમાચાર વાંચવા અહી ક્લિક કરો
