Supreme Court:દેશમાં ચાલી રહેલી Special Intensive Revision (SIR) પ્રક્રિયા સામે અનેક રાજ્યોની અરજીઓ પર સુપ્રીમ કોર્ટે સોમવારે મહત્વપૂર્ણ ટિપ્પણીઓ કરી. CJI સૂર્યકાંતની અધ્યક્ષતાવાળી બેન્ચે સવાલ કર્યો કે —
“શું કોઈ ઘૂસણખોરને ફક્ત આધાર કાર્ડ હોવાના આધારે મતનો અધિકાર આપી શકાય?”
કોર્ટએ સ્પષ્ટ કર્યું કે આધાર કાર્ડ કાયદેસર દસ્તાવેજ છે, પણ તેનો અર્થ મતદાર યાદીમાં સામેલ થવો નહીં બને.
Supreme Court:CJIની બેન્ચે SIR પ્રક્રિયા અને મત અધિકાર વચ્ચેનો તફાવત સમજાવ્યો
CJIએ ઉદાહરણ આપ્યું કે જો કોઈ વ્યક્તિ પડોશી દેશમાંથી આવીને ભારતમાં કામ કરે છે અને સબસિડિયુક્ત રાશન માટે આધાર કાર્ડ મેળવી લે છે, તો શું એ મતદાર બની શકે?
તેમણે કહ્યું:
“સહાય આપવી અમારી બંધારણીય નૈતિકતા છે,
પણ શું તેના આધારે મતાધિકાર આપવો જોઈએ?”
Supreme Court:કપિલ સિબ્બલનો દલીલ– “મારી પાસે આધાર છે, છતાં નામ કેમ કપાય?”
પ. બંગાળ અને કેરળ તરફથી હાજર વરિષ્ઠ વકીલ કપિલ સિબ્બલે કહ્યું કે આધાર ધરાવતા અનેક રહેવાસીઓના નામ SIRથી કાપી નાખાયા છે.
તેમણે કહ્યું:
“જો તમે મારા અધિકારો છીનવો છો, તો યોગ્ય પ્રક્રિયા થવી જોઈએ.”
Supreme Court:સુપ્રીમે બિહાર SIRનું ઉદાહરણ આપ્યું
CJIએ કહ્યું કે બિહાર SIR દરમ્યાન મીડિયા સતત રિપોર્ટિંગ કરી રહ્યું હતું, તેથી લોકો સુધી જાણકારી સરળતાથી પહોંચી હતી.
“જો કોઈ વિસ્તારમાં ડ્રાફ્ટ લિસ્ટ આવી રહ્યું છે, તો ‘મને ખબર નહોતી’ એ દલીલ માન્ય ન ગણાય.”
સોફ્ટવેર માત્ર ડુપ્લિકેટ મતદાર હટાવી શકે: જસ્ટિસ બાગચી
જસ્ટિસ બાગચીએ સ્પષ્ટ કર્યું કે—
- સોફ્ટવેર માત્ર ડુપ્લિકેટ મતદાર જ ઓળખી શકે
- મૃત્યુ પામેલા લોકોની ઓળખ સોફ્ટવેર દ્વારા શક્ય નથી
તેમણે વ્યંગાત્મક રીતે કહ્યું:
“ક્યારેક રાજકીય પાર્ટીઓ મરણ પામેલા મતદારોને પણ પોતાના પક્ષમાં કરી લે છે, એટલે તેમને દૂર કરવું જરૂરી છે.”
BLOની ભૂલો સ્વાભાવિક: ‘એટલા માટે ડ્રાફ્ટ યાદી આવે છે’
જસ્ટિસ બાગચીએ કહ્યું કે BLO કરેલા સર્વેમાં હંમેશા 100% ચોકસાઈ શક્ય નથી.
તેથી જ—
- ડ્રાફ્ટ રોલ જાહેર થાય છે
- યાદીઓ વેબસાઈટ, પંચાયત સહિત વિવિધ જગ્યાએ મૂકવામાં આવે છે
ડ્રાફ્ટ યાદીની ડેડલાઇન લંબાવવાની સંભાવના
કોર્ટે સૂચન કર્યું કે જરૂરી થાય તો ડ્રાફ્ટ મતદાર યાદી પ્રકાશન અને ફોર્મ સબમિશનની ડેડલાઇન પણ વધારી શકાય.
હાલનાં શેડ્યૂલ મુજબ:
- 4 ડિસેમ્બર: ફોર્મ સબમિશનની અંતિમ તારીખ
- 9 ડિસેમ્બર: ડ્રાફ્ટ રોલ પ્રકાશન
વધુ સમાચાર વાંચવા માટે અહી ક્લિક કરો
BLOs Protest:અમરાઈવાડીમાં BLOનો બળવો મેપિંગની જટિલ પ્રક્રિયા સામે 200થી વધુ અધિકારીઓ ધરણા પર
