Nitin Gadkari:ગુજરાતમાં માર્ગ સુવિધાના વિસ્તરણ અને ગુણવત્તા વધારવાના પ્રયાસો વચ્ચે કેન્દ્રીય માર્ગ પરિવહન મંત્રી નીતિન ગડકરીએ રાજ્ય માટે મોટી જાહેરાત કરી છે. તેમણે જણાવ્યું છે કે ગુજરાતમાં નેશનલ હાઈવે અને અન્ય મુખ્ય માર્ગ પ્રોજેક્ટ્સ માટે કેન્દ્ર સરકાર તરફથી 20,000 કરોડ રૂપિયાની મંજૂરી આપવામાં આવશે.
ગડકરી છેલ્લા બે દિવસથી ગુજરાતની મુલાકાતે છે અને દિલ્હી-મુંબઈ એક્સપ્રેસ-વે સહિતના પ્રોજેક્ટ્સની પ્રગતિનું જમીન પર જઈને મૂલ્યાંકન કરી રહ્યા છે. બુધવારે ગાંધીનગરમાં મુખ્યમંત્રી ભૂપેન્દ્ર પટેલ અને માર્ગ-મકાન વિભાગના અધિકારીઓ સાથે ઉચ્ચસ્તરીય બેઠક યોજાઈ હતી.
Nitin Gadkari: ગુજરાતની માંગ, કેન્દ્રનો તરત પ્રતિસાદ
મુખ્યમંત્રી ભૂપેન્દ્ર પટેલે રાજ્યના હાઈવે પર વધતા વાહનભારણનું મુદ્દો ઉઠાવ્યો હતો અને હાઈવેના વિસ્તરણ, મરામત અને ઝડપથી ચાલી રહેલા પ્રોજેક્ટ્સ પૂર્ણ કરવાની જરૂરિયાત રજૂ કરી હતી. જેમાં ખાસ કરીને
- અમદાવાદ–મુંબઈ હાઈવે,
- રાજકોટ–ગોંડલ–જેતપુર માર્ગ,
- અમદાવાદ–ઉદયપુર કોરિડોર
જવાબદાર પ્રોજેક્ટ્સ સામેલ હતા.
ગડકરીએ આ રજૂઆત પર તરત જ પ્રતિસાદ આપતાં ગુજરાત માટે 20,000 કરોડનાં નવા ફંડની ખાતરી આપી.
સુરતમાં પ્રોજેક્ટ્સની મેદાની સમીક્ષા
આજે ગડકરી સુરત એરપોર્ટ પહોંચતાં જ દક્ષિણ ગુજરાતની મુલાકાતે રવાના થયા હતા.
🔹 NH-53 અને NH-48ના લગભગ 100 કિમી વિસ્તારનું બાય રોડ નિરીક્ષણ
🔹 દિલ્હી-મુંબઈ એક્સપ્રેસવેના 200 કિમી એરિયલ સર્વે
🔹 કુલ 300 કિમીથી વધુ હાઈવેઝનું રિવ્યૂ
ગડકરી વિશેષ 10-સીટર બસમાં NHAIનાં ઉચ્ચ અધિકારીઓ સાથે રોડ પરની વાસ્તવિક સ્થિતિનું મૂલ્યાંકન કરી રહ્યા છે —
ટ્રાફિક સમસ્યાઓ, રોડની સપાટી, બાંધકામની ગુણવત્તા, ઇન્ટરચેન્જની ખામીઓ સહિતની તમામ બાબતોની સ્થળ પર જ તપાસ થઈ રહી છે.
Nitin Gadkari: સ્થાનિક લોકોની મોટી અપેક્ષા
દક્ષિણ ગુજરાતમાં ખાસ કરીને NH-48 અને એક્સપ્રેસ-વે ઇન્ટરચેન્જના ડિઝાઇનના મુદ્દાઓને કારણે લોકોમાં ભારે રોષ છે. ટ્રાફિક જામ, ખામીયુક્ત ડિઝાઇન અને ડ્રાઇવરોની મુશ્કેલીઓને ધ્યાનમાં રાખીને ગડકરી તાત્કાલિક દિશા-નિર્દેશ આપે તેવી અપેક્ષા વધી છે.
Nitin Gadkari: સ્થળ પર ઉકેલ લાવવાનો અભિગમ
ગડકરીનો આ “ગ્રાઉન્ડ રિએલિટી ચેક” અભિગમ પ્રસંશનીય ગણાઈ રહ્યો છે.
ઓફિસમાં બેસીને નહીં, પરંતુ ડ્રાઈવર જેવો અનુભવ મેળવી માર્ગોની ચકાસણી કરીને જ યોગ્ય સુધારા શક્ય બને છે—એવું તેઓ માની રહ્યા છે.
વધુ સમાચાર વાંચવા માટે અહી ક્લિક કરો :
BLOs Protest:અમરાઈવાડીમાં BLOનો બળવો મેપિંગની જટિલ પ્રક્રિયા સામે 200થી વધુ અધિકારીઓ ધરણા પર
