Jagdish Vishwakarma :જગદીશ વિશ્વકર્માના આગમનથી ખેડા પ્રફુલ્લિત
ખેડા જિલ્લામાં આજે ગુજરાત ભાજપના નવનિયુક્ત પ્રદેશ પ્રમુખ જગદીશ વિશ્વકર્માની મુલાકાતને લઈને ઉત્સાહભર્યું વાતાવરણ જોવા મળ્યું હતું. ફાગવેલથી લઈને નડિયાદ સુધી ભાજપના કાર્યકરો અને સમર્થકો ઉમટી પડ્યા હતા.
Jagdish Vishwakarma :ફાગવેલમાં ભાથીજી મહારાજના ચરણોમાં મસ્તક નમાવી આશીર્વાદ લીધા
પ્રદેશ પ્રમુખે પોતાની મુલાકાતની શરૂઆત ફાગવેલથી કરી હતી, જ્યાં તેમણે ક્ષત્રિય વીર ભાથીજી મહારાજના ચરણોમાં મસ્તક ઝુકાવ્યું હતું. ફાગવેલ મંદિર ટ્રસ્ટ દ્વારા તેમનું તલવાર અને પુષ્પ ભેટ આપી સન્માન કરવામાં આવ્યું, તેમજ સાકર તુલા વિધિ પણ યોજાઈ હતી.
Jagdish Vishwakarma: ભવ્ય સ્વાગત સમારોહ
ત્યારબાદ જગદીશ વિશ્વકર્મા નડિયાદ શહેર પહોંચ્યા હતા, જ્યાં ભવ્ય સ્વાગત સમારોહ યોજાયો હતો. શહેરના માર્ગો પર ભાજપના કાર્યકરો અને સમર્થકોની મોટી ભીડ ઉમટી પડી હતી. બાઈક અને ગાડીઓના કાફલાઓ સાથે પ્રદેશ પ્રમુખને આવકારવામાં આવ્યા, જ્યારે શહેરમાં ઉત્સાહપૂર્ણ નારા ગુંજતા હતા.
નડિયાદ પહોંચ્યા બાદ પ્રદેશ પ્રમુખે સૌ પ્રથમ સંતરામ મંદિરે પૂજન-અર્ચન કરીને સંતોના આશીર્વાદ લીધા હતા. ત્યારબાદ તેમણે સરદાર વલ્લભભાઈ પટેલના જન્મસ્થળની મુલાકાત લીધી, જ્યાં તેમણે રાષ્ટ્રના લોખંડી પુરુષને શ્રદ્ધાંજલિ અર્પણ કરી હતી.
આ પછી જગદીશ વિશ્વકર્મા યોગી ફાર્મ ખાતે પહોંચ્યા, જ્યાં કાર્યકરોમાં ભારે ઉત્સાહ જોવા મળ્યો. અહીં તેમના સન્માનમાં વિશેષ કાર્યક્રમો યોજાયા હતા અને હજારોની સંખ્યામાં લોકો ઉપસ્થિત રહ્યા હતા.
આ ભવ્ય સ્વાગત કાર્યક્રમ રાજકીય રીતે પણ મહત્વપૂર્ણ ગણવામાં આવી રહ્યો છે. નિષ્ણાતોનું કહેવું છે કે આ મુલાકાત સ્થાનિક સ્તરે પક્ષની મજબૂત હાજરી અને કાર્યકરોમાં નવો ઉત્સાહ જગાડવાનો સંકેત આપે છે.
પ્રદેશ પ્રમુખની આ મુલાકાત દરમિયાન અનેક મહત્વપૂર્ણ રાજકીય ચર્ચાઓ અને માર્ગદર્શન સત્રો યોજાવાની સંભાવના વ્યક્ત થઈ રહી છે, જેના કારણે કાર્યકરોમાં નવી ઉર્જા અને આશા જોવા મળી રહી છે.
વધુ સમાચાર જોવા માટે અહી ક્લિક કરો :
