Kangana Ranaut: હિમાચલ પ્રદેશની મંડી લોકસભા સીટ પરથી ભારતીય જનતા પાર્ટી(BJP)ના ઉમેદવાર કંગના રનૌતે (Kangana Ranaut) જીત મેળવી હતી અને લોકસભા પહોંચ્યા હતા, એવામાં મંડી બેઠક પર ચૂંટણીને રદ કરવા હાઈકોર્ટ (Himachal Pradesh high court)માં અરજી કરવામાં આવી છે. હિમાચલ પ્રદેશ હાઈકોર્ટે કંગના રનૌતને નોટિસ ફટકારી છે.
કિન્નૌરના રહેવાસી લાયકરામ નેગીએ આ અરજી દાખલ કરી છે. લાઈક રામ નેગીએ કંગના (Kangana Ranaut) ની ચૂંટણી રદ કરવાની વિનંતી કરતી વખતે અરજીમાં દલીલ કરી છે કે આ લોકસભા બેઠક પરથી ચૂંટણી લડવા માટે અરજદારનું નામાંકન પત્ર ખોટી રીતે નકારી કાઢવામાં આવ્યું હતું.
લાઇક રામ નેગીએ કંગના વિરુદ્ધ કરી અરજી
નોટિસ જારી કરીને જસ્ટિસ જ્યોત્સના રેવાલે કંગના રનૌતને 21 ઓગસ્ટ સુધીમાં જવાબ દાખલ કરવાનો નિર્દેશ આપ્યો છે. રણૌતે મંડી લોકસભા બેઠક પરથી તેમના નજીકના હરીફ કોંગ્રેસના ઉમેદવાર વિક્રમાદિત્ય સિંહને 74,755 મતોના માર્જિનથી હરાવીને જીત મેળવી હતી. સિંહના 4,62,267 મતોની સામે તેમને 5,37,002 મત મળ્યા. રણૌતની ચૂંટણી રદ કરવાની માંગ કરતા, અરજદાર લાઇક રામ નેગીએ કહ્યું કે રિટર્નિંગ ઓફિસર (ડેપ્યુટી કમિશનર, મંડી) દ્વારા તેમનું નામાંકન પત્ર ખોટી રીતે રદ કરવામાં આવ્યું છે અને તેમને પણ પક્ષકાર બનાવવામાં આવ્યા છે.
નેગીએ વધુમાં જણાવ્યું હતું કે નામાંકન દરમિયાન, તેમને કહેવામાં આવ્યું હતું કે તેમણે સરકારી આવાસ માટે જારી વીજળી, પાણી અને ટેલિફોન માટે કોઈ બાકી પ્રમાણપત્ર પણ પ્રદાન કરવું પડશે. આ પ્રમાણપત્ર આપવા માટે તેમને બીજા દિવસ સુધીનો સમય આપવામાં આવ્યો હતો. બીજા દિવસે જ્યારે તેણે રિટર્નિંગ ઓફિસરને પેપર્સ આપ્યા ત્યારે તેણે તેને સ્વીકારવાનો ઈન્કાર કર્યો અને નોમિનેશન ફગાવી દીધું.
Kangana Ranaut વિરુદ્ધ પિટિશનમાં શું છે આક્ષેપ?
વન વિભાગના ભૂતપૂર્વ કર્મચારી લાઈક રામ નેગીએ જણાવ્યું હતું કે, તેમને અકાળ નિવૃત્તિ મળી છે અને રિટર્નિંગ ઓફિસર સમક્ષ નામાંકન પત્રો સાથે વિભાગ તરફથી નો-ડ્યુઝ પ્રમાણપત્ર રજૂ કર્યું છે. જો કે, તેમને વીજળી, પાણી અને ટેલિફોન વિભાગો તરફથી કોઈ લેણાંના પ્રમાણપત્રો સબમિટ કરવા માટે એક દિવસનો સમય આપવામાં આવ્યો હતો. જ્યારે તેમણે તે સબમિટ કર્યા ત્યારે પણ રિટર્નિંગ ઓફિસરે તેમને સ્વીકાર્યા ન હતા અને ઉમેદવારી પત્રો રદ કર્યા હતા. તેણે દલીલ કરી હતી કે જો તેના કાગળો સ્વીકારવામાં આવ્યા હોત તો તે ચૂંટણી જીતી શક્યા હોત અને કંગનાની ચૂંટણી રદ થવી જોઈએ.
આ આધાર પર પિટિશન ફગાવી શકાય છે
જનપ્રતિનિધિત્વ અધિનિયમની કલમ 100 હેઠળ મંડીમાં ચૂંટણી માટે આપવામાં આવેલ પડકારને કોર્ટ અમાન્ય જાહેર કરી શકે છે. આવું ત્યારે થશે શકે જો અરજદાર સાબિત કરવામાં સફળ થાય કે તેનું નામાંકન પત્ર ગેરકાયદેસર રીતે નકારી કાઢવામાં આવ્યું હતું.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
