Love Story: આ સુપરહિટ ફિલ્મ પછી રાજ કપૂર-નરગીસની અદ્ભુત જોડી તૂટી, આ કારણે ફરી ક્યારેય સાથે કામ કર્યું નહીં

Love Story: બોલિવૂડમાં હીરો અને હિરોઈનની તેમની ઉત્તમ કેમેસ્ટ્રીના કારણે જોડી જમાવી એ સામાન્ય બાબત છે. ધર્મેન્દ્ર અને હેમા માલિની હોય કે કિશોર કુમાર અને મધુબાલા, આ કપલે તેમના યુગમાં જબરદસ્ત ફિલ્મો આપી છે અને ચાહકોના દિલ પર લાંબા સમય સુધી રાજ કર્યું છે. એક એવી જોડી હતી જેણે પોતાના જમાનામાં ઘણી સુપરહિટ ફિલ્મો આપી અને તેથી જ તેમની જોડી બોલિવૂડમાં ઘણી લોકપ્રિય હતી. હા, અમે વાત કરી રહ્યા છીએ શો-મેન રાજ કપૂર અને નરગીસની જોડીની.

રાજ કપૂર અને નરગીસે ​​તેમના સમય દરમિયાન શ્રી 420, આવારા, અનારી, અંદાજ, બરસાત, આગ અને આહ જેવી સુપરહિટ ફિલ્મોમાં કામ કર્યું હતું. પરંતુ એક સમય એવો આવ્યો કે જ્યારે તેમના કપલનું બ્રેકઅપ થઈ ગયું.

1956માં આ જોડીએ લીડ કપલ તરીકે કામ કર્યું હતું તે ફિલ્મ સુપરહિટ બની હતી પરંતુ આ ફિલ્મ પછી આ સુંદર કપલનું બ્રેકઅપ થઈ ગયું.

Love Story: આ ફિલ્મ પછી રાજ કપૂર અને નરગીસ સાથે જોવા ના મળ્યા ન

1956માં રાજ કપૂર અને નરગીસ અભિનીત ફિલ્મ ‘ચોરી ચોરી’ નામની રિલીઝ થઈ હતી. આ ફિલ્મમાં રાજ કપૂર સાથે નરગીસ લીડ રોલમાં હતી અને તે ખૂબ જ મીઠી લવ સ્ટોરી (Love Story) હતી. ફિલ્મના ગીતો પણ ખૂબ જ હિટ થયા હતા.

કહેવાય છે કે ફિલ્મના શૂટિંગ દરમિયાન રાજ કપૂર અને નરગીસ વચ્ચે વાત બરાબર ચાલી રહી ન હતી. આ ફિલ્મ તે વર્ષની સૌથી વધુ કમાણી કરનારી ફિલ્મોમાંની એક હતી પરંતુ આ ફિલ્મ પછી રાજ કપૂર અને નરગીસ અલગ થઈ ગયા હતા.

આ ‘ચોરી ચોરી’ ફિલ્મ પછી, આ જોડી કોઈ પણ ફિલ્મમાં મુખ્ય ભૂમિકામાં જોવા મળી ન હતી આ ફિલ્મનું નિર્દેશન અનંત ઠાકુરે કર્યું હતું અને લોકો તેની રોમેન્ટિક કોમેડી આજ સુધી યાદ કરે છે.

‘જાગેતે-રહો’માં નરગીસે ​​કેમિયો કર્યો

જો કે આ ફિલ્મ પછી, રાજ કપૂર અને નરગીસ ક્યારેય મુખ્ય ભૂમિકામાં સાથે આવ્યા ન હતા, પરંતુ થોડા દિવસો પછી, નરગિસ થોડા સમય માટે ફિલ્મ ‘જાગતે રહો’માં રાજ કપૂર સાથે સ્ક્રીન પર જોવા મળી હતી. આ ફિલ્મ વધુ સફળતા મેળવી શકી નહીં

આ ફિલ્મ રાજ કપૂર દ્વારા બનાવવામાં આવી હતી અને તેના નિર્દેશક શંભુ મિત્રા હતા. ફિલ્મમાં રાજ કપૂરે એક ગરીબ માણસની ભૂમિકા ભજવી હતી જે સારી જિંદગીની શોધમાં શહેરમાં આવે છે અને ફસાઈ જાય છે. ફિલ્મના છેલ્લા કેટલાક સીનમાં નરગીસ જોવા મળી હતી.

રાજ કપૂર સિગારેટના ડામ આપતા

એક સમય એવો હતો જ્યારે સુપરસ્ટાર અભિનેત્રી નરગીસ અને રાજ કપૂરની લવસ્ટોરી ઈન્ડસ્ટ્રીમાં ચર્ચાનો વિષય હતી. જો કે, ત્યાં સુધીમાં રાજ કપૂર પણ પરિણીત હતા.

રાજ અને નરગીસ વચ્ચેના પ્રેમ વિશે પણ ઘણી વાતો કહેવામાં આવે છે. કહેવાય છે કે જ્યારે નરગીસ અને રાજ કપૂર અલગ થયા ત્યારે તે દુઃખ સહન કરી શક્યા ન હતા. નરગીસની યાદોને ભૂલી જવા માટે તે સિગારેટથી પોતાની જાતને ડામ આપતા હતા. બ્રેક-અપ બાદ રાજ કપૂર લાંબા સમય સુધી તે આ દુઃખમાંથી બહાર આવવાનો પ્રયાસ કરતા રહ્યા.

એક ઈન્ટરવ્યુ દરમિયાન રાજ કપૂરની પત્ની ક્રિષ્ના કપૂરે કહ્યું હતું કે નરગિસ સાથેના બ્રેક બાદ તેમનું દિલ તૂટી ગયું હતું. તે નશામાં મોડી રાત્રે ઘરે આવવા લાગ્યા હતા. બાથટબમાં પડીને લાંબા સમય સુધી રડતા રેહતા હતા. સિગારેટથી તેઓ પોતના હાથને ડામ આપતા હતા. એક ઈન્ટરવ્યુ દરમિયાન રાજ કપૂરે પોતે આ સંબંધ વિશે વાત કરી હતી. તેણે કહ્યું હતું કે નરગીસે ​​તેની સાથે દગો કર્યો છે.

Love Story: નરગીસે કેમ બનાવી રાજ કપૂરથી દૂરી ?

રાજ કપૂર અને નરગીસ વચ્ચેનો આ સંબંધ 9 વર્ષનો લાંબો સમય ચાલ્યો. જો કે, બંનેએ અચાનક બ્રેકઅપ કરીને બધું સમાપ્ત કરી દીધું. કહેવાય છે કે રાજ કપૂર પોતાની પત્નીને છોડવા તૈયાર ન હતા, તેથી નરગીસે ​​અલગ થવાનો રસ્તો પસંદ કર્યો.

આ પછી બંને ક્યારેય સાથે જોવા મળ્યા નહીં. આ પછી નરગીસ સુનિત દત્તને મળી હતી. સુનિલ દત્ત નરગીસના મોટા ચાહક હતા અને તેને ખૂબ પ્રેમ કરતા હતા. બંનેએ વર્ષ 1958માં માત્ર એક જ વર્ષમાં એકબીજા સાથે લગ્ન કરી લીધા હતા. આજે પણ સુનિલ દત્ત અને નરગીસની જોડીને બોલીવૂડમાં બેસ્ટ અને આદર્શ કપલમાં ગણવામાં આવે છે.

લેટેસ્ટ સમાચાર માટે અહી કલિક કરો

યુ-ટ્યુબ ચેનલમાં શોર્ટ્સ જોવા અહીં કલિક કરો

ગુજરાતના મહત્વના સમાચાર માટે અહીં ક્લિક કરો

રોમાંચક સમાચાર માટે અહીં ક્લિક કરો