ANIL KAPOOR BIRTHDAY ફિલ્મ ઈન્ડસ્ટ્રીના બેસ્ટ સ્ટાર્સમાંથી એક છે. તે બોલિવૂડથી લઈને હોલીવુડ સુધી પોતાની એક્ટિંગથી એન્ટરટેઈન કરી રહ્યા છે.
હવે તેમણે OTTમાં પણ એન્ટ્રી કરી છે.
ANIL KAPOOR છેલ્લા ચાર દાયકાથી પોતાના અભિનયથી દર્શકોનું મનોરંજન કરી રહ્યા છે, પરંતુ આ સ્થાન સુધી પહોંચવું તેમના માટે બિલકુલ સરળ નહોતું. અનિલ કપૂર 24 ડિસેમ્બરે પોતાનો જન્મદિવસ ઉજવે છે. આ અવસર પર અમે તમને તેમના સંઘર્ષ, કારકિર્દી અને નેટવર્થ વિશે જણાવીશું.
અનિલ કપૂરનો સંઘર્ષ
એક સમય એવો હતો જ્યારે અનિલ કપૂર અને તેમના પરિવાર પાસે રહેવા માટે પોતાનું ઘર પણ નહોતું. એક અહેવાલ મુજબ અનિલ કપૂર પોતાના પરિવાર સાથે મુંબઈમાં પૃથ્વીરાજ કપૂરના ગેરેજમાં રહેતા હતા. આ સ્થિતિ ઘણા વર્ષો સુધી ચાલતો રહ્યો. આ પછી અનિલ કપૂર પોતાના પરિવાર સાથે ચાલીમાં રહેવા લાગ્યા.
અભિનેતાએ તેની કારકિર્દીની શરૂઆતમાં માત્ર પૈસા માટે ફિલ્મો સાઇન કરી હતી જેથી તે તેમના ઘરનો ખર્ચો ઉઠાવી શકે. અનિલ કપૂરે વર્ષ 1979માં ‘હમારે તુમ્હારે’થી પોતાના કરિયરની શરૂઆત કરી હતી. જોકે, આ ફિલ્મમાં તેમનો નાનો રોલ હતો. આ પછી તેમણે વર્ષ 1980માં તેલુગુ ફિલ્મ ‘વંશ વૃક્ષમ’માં કામ કર્યું.
સુનીતા ખર્ચ ઉઠાવતી
સુનિતા ઘરનો ખર્ચ ચલાવતી
સંઘર્ષના દિવસોમાં અનિલ કપૂરની પૈસા પૈસા નહોતા ત્યારે સુનીતા જ ઘરનો ખર્ચો ચલાવતી. જ્યારે બંનેની પહેલી મુલાકાત થઈ ત્યારે અનિલ કપૂર સ્ટ્રગલિંગ એક્ટર હતા તો સુનીતા જાણીતી મોડલ. સુનીતાને જોતા જ અનિલને પહેલી નજરમાં પ્રેમ થયો હતો. જોકે, અનિલને ખબર નહોતી પડતી કે તે કેવી રીતે સુનીતા પાસે પહોંચે. અંતે, મિત્રોએ અનિલ કપૂરને ટેલિફોન નંબર લઈ આપ્યો હતો. બંને વચ્ચે વાતચીત શરૂ થઈ હતી.
બોલિવૂૃડ-હોલિવુડમાં કામ કર્યું
વર્ષ 1983માં અનિલ કપૂરની ફિલ્મ ‘વો સાત દિન’ રીલિઝ થઈ હતી. આમાં તેમણે પહેલીવાર લીડ રોલ કર્યો હતો. આ પછી અનિલ કપૂરે ક્યારેય પાછું વળીને જોયું નથી. ‘બેટા’, ‘મિસ્ટર ઈન્ડિયા’, ‘મેરી જંગ’, ‘કર્મ’, ‘તેઝાબ’, ‘કસમ’, ‘રામ લખન’, ‘હમારા દિલ આપકે પાસ હૈ’, ‘લાડલા’ અને ‘નાયક’ જેવી ઘણી શાનદાર ફિલ્મોમાં કામ કર્યું છે.
અનિલ કપૂરે હોલીવુડની ફિલ્મોમાં પણ પોતાની એક્ટિંગની કુશળતા બતાવી છે. આ યાદીમાં સ્લમડોગ મિલિયોનેર અને ‘મિશન ઈમ્પોસિબલઃ ઘોસ્ટ પ્રોટોકોલ’નો સમાવેશ થાય છે. આ ફિલ્મોથી અનિલ કપૂરે પોતાના કામને ઈન્ટરનેશનલ લેવલ પર પહોંચાડ્યું છે.
ફિટનેસમાં યુવા સ્ટાર્સને આપે છે મ્હાત
ફિટનેસની વાત કરીએ તો તે ફિટનેસમાં ઘણા યુવા સ્ટાર્સને માત આપે છે. અનિલ કપૂરે આ ઉંમરમાં પણ જે રીતે પોતાને ફિટ રાખ્યો છે તે ખરેખર વખાણવા લાયક છે. આજે પણ અનિલ કપૂર જીમમાં બે થી ત્રણ કલાક પરસેવો પાડે છે. તે હંમેશા તેના વર્કઆઉટમાં ફેરફાર કરતા રહે છે. અનિલ કપૂર પોતાની એક્સરસાઇઝમાં સાઇકલિંગ, જોગિંગ, મોર્નિંગ વોક અને કાર્ડિયોનો પણ સમાવેશ કરે છે. આ સિવાય તે જીમમાં ક્રન્ચ, સીટ-અપ, ફ્રી વેઈટ, ચેર સ્ક્વોટ્સ, પુશ-અપ્સ અને યોગા પણ કરે છે. આ ઉંમરે અનિલ કપૂર જે એનર્જી સાથે કામ કરે છે તે જોઈને યંગસ્ટર્સ પણ આશ્ચર્યચકિત થઈ જાય છે.
આ ડાયટ ફોલો કરે છે
અનિલ કપૂર ખાલી પેટે પુષ્કળ પાણી પીવે છે અને પછી નાસ્તામાં કોબી, સલાડ અને ઈંડાથી બનેલી સેન્ડવિચ ખાય છે. કેટલીકવાર તે નાસ્તામાં સેન્ડવીચને બદલે ઓટ્સ પણ ખાય છે. ચા અને કોફીને બદલે અનિલ કપૂર સ્ટ્રોબેરી મિલ્કશેક અથવા સફરજનનો રસ પીવે છે. બપોરના ભોજનમાં બ્રોકોલી ચોક્કસપણે સામેલ કરે છે. તે ખોરાકને પચાવવામાં ખૂબ મદદરૂપ હોય છે.ડિનર માટે તેમને વિવિધ સોસેજ સાથે સલાડ ખાવાનું પસંદ છે.આ સિવાય અનિલ કપૂર પોતાના ડાયટમાં બાફેલી દાળ અને બ્રાઉન રાઈસનો પણ સમાવેશ કરે છે.
અનિલ કપૂરની સંપત્તિ
અનિલ કપૂરની કુલ સંપત્તિ 134 કરોડ રૂપિયા છે. તેઓ દર વર્ષે 12 કરોડ રૂપિયા કમાય છે અને એક ફિલ્મ માટે 2 થી 4 કરોડ રૂપિયાની ફી લે છે. અનિલ કપૂરનો મુંબઈના જુહુમાં એક આલીશાન બંગલો છે, જેની કિંમત 30 કરોડ રૂપિયા છે. તેઓ બ્રાન્ડ એન્ડોર્સમેન્ટ માટે 55 લાખ રૂપિયા લે છે.
આ સિવાય અનિલ કપૂર પાસે દુબઈમાં 2 બેડરૂમનું એપાર્ટમેન્ટ પણ છે. તે જ સમયે, તેમનું લંડનમાં પણ એક ઘર છે, જે તેની પુત્રી સોનમ કપૂરના ઘરની નજીક છે. અનિલ કપૂરના કાર કલેક્શનમાં BMW, Mercedes Benz S Class, Bentley, Jaguar અને Audi જેવી મોંઘી અને લક્ઝરી કાર્સ છે.
