પશ્ચિમ બંગાળમાં પંચાયત ચૂંટણીમાં હિંસા
મતપેટીને આગ લગાડવામાં આવી
મતદારોએ બરંચીનામાં મતપેટીને આગ લગાવી
પશ્ચિમ બંગાળમાં શનિવારે પંચાયત ચૂંટણી માટે મતદાન દરમિયાન, રાજ્યના વિવિધ વિસ્તારોમાંથી હિંસાના અહેવાલો આવી રહ્યા છે. કૂચબિહાર જિલ્લામાં અનેક મતદાન મથકો પર હિંસા થઈ છે. અહીં એક ચોંકાવનારી તસવીર સામે આવી છે, જેમાં એક વ્યક્તિ બેલેટ બોક્સ લઈને ભાગતો જોવા મળી રહ્યો છે. આ ઘટનાએ ચૂંટણીને લઈને પોલીસ અને વહીવટી તંત્ર પર સવાલો ઉભા કર્યા છે.કૂચબિહારમાં જ અન્ય એક મતદાન મથક પર મતપેટીને આગ લગાડવાની ઘટના સામે આવી છે. મતદારોએ કથિત રીતે દિનહાટાના બરંચીનામાં એક મતદાન મથક પર મતપેટીને સળગાવી દીધી હતી. આગચંપીનો વીડિયો પણ સામે આવ્યો છે.પશ્ચિમ બંગાળ પંચાયત ચૂંટણી દરમિયાન કૂચ બિહાર જિલ્લાના દિનહાટાના બરંચીનામાં મતદાન મથક પર મતદારોએ કથિત રીતે એક મતપેટીને સળગાવી દીધી હતી.
શુક્રવાર રાતથી અત્યાર સુધીમાં 12 રાજકીય કાર્યકરોના મોત થયા છે
શુક્રવાર રાતથી પંચાયત ચૂંટણીના મતદાન વચ્ચે ચાલી રહેલી હિંસામાં 12 રાજકીય કાર્યકરોના મોત થયા છે. તે જ સમયે, ચૂંટણીની જાહેરાત બાદથી અત્યાર સુધીમાં 30 લોકોના મોત થયા છે. કૂચબિહારના તુફનગંજમાં શુક્રવારે (7 જુલાઈ) મોડી રાત્રે TMC કાર્યકર પર તીક્ષ્ણ હથિયાર વડે હુમલો કરીને તેની હત્યા કરવામાં આવી હતી. કુચ બિહારમાં જ બીજેપી કાર્યકર માધવ વિશ્વાસની ગોળી મારીને હત્યા કરવામાં આવી હતી.કૂચ બિહારના દિનહાટામાં ગોળી વાગવાથી બીજેપી કાર્યકરનું મોત થયું હતું.
મુર્શિદાબાદમાં પાંચ રાજકીય કાર્યકરો માર્યા ગયા છે, જેમાં ટીએમસી અને સીપીએમના બે-બે, જ્યારે કોંગ્રેસના એક કાર્યકરનું મોત થયું છે. માલદાના માણિક ચોકમાં તૃણમૂલ કોંગ્રેસના કાર્યકરની હત્યા કરવામાં આવી હતી. તે જ સમયે, પૂર્વ બર્દવાનમાં ટીએમસી કાર્યકરની પણ હત્યા કરવામાં આવી છે. દક્ષિણ 24 પરગનાના બસંતીમાં બોમ્બ બ્લાસ્ટમાં TMC કાર્યકરનું મોત થયું છે. નાદિયા જિલ્લામાં TMC કાર્યકરની હત્યા કરવામાં આવી છે.
વાંચો અહીં આદિત્ય ઠાકરેએ ખુલાસો કર્યો,જાણો શું કહ્યું
