જાપાનમાં ૬.૧ની તીવ્રતાના ભૂકંપના જોરદાર આંચકા

26 મે, ૨૦૨૩ એટલે કે શુક્રવારના રોજ જાપાનના ચિબા અને ઇબારાકીમાં ભૂકંપના જોરદાર આંચકા અનુભવાયા છે. આ ભૂકંપની તીવ્રતા રિક્ટર સ્કેલ પર 6.1 માપવામાં આવી રહી છે. આ ભૂકંપનું કેન્દ્ર બિંદુ ટોક્યોથી પૂર્વ-દક્ષિણપૂર્વમાં 107 કિલોમીટર દૂર 65 કિલોમીટરની ઊંડાઈએ હતું.આ ભૂકંપના કારણે કોઈપણ પ્રકારની જાનહાની સર્જાયા હોવાના અહેવાલો નથી. ઉપરાંત સુનામીની પણ ચેતવણી જાહેર કરવામાં આવી નથી.