ઇન્દોરના વિદ્યાર્થીઓએ એન્ટી સ્લીપ એલાર્મ બનાવ્યું

ડ્રાઈવરોની બેદરકારીને કારણે થતા અકસ્માતોને ઘટાડવા મદદ કરશે

ઈન્દોરના હોનહાર વિદ્યાર્થીઓએ ડ્રાઈવરોની બેદરકારીને કારણે થતા અકસ્માતોને ઘટાડવા માટે એક નવી પહેલ કરી છે. વિદ્યાર્થીઓએ એન્ટી સ્લીપ એલાર્મ બનાવ્યું છે. આ ગ્રુપના  એક વિદ્યાર્થીએ કહ્યું, “એન્ટી સ્લીપ એલાર્મમાં ઊંઘ વિરોધી ચશ્મા છે, જો ડ્રાઇવર ડ્રાઇવિંગ કરતી વખતે સૂઈ જાય છે, તો તે બઝર કરશે.” શ્રી ગોવિંદરામ ઇન્સ્ટિટ્યૂટ ઓફ ટેક્નોલોજી એન્ડ સાયન્સના વિદ્યાર્થી અભિષેક પાટીદાર અને તેના મિત્રો દ્વારા આ ઉપકરણ બનાવવામાં આવ્યું છે. અભિષેકે કહ્યું, “અમે એન્ટી સ્લીપ એલાર્મ બનાવ્યું છે, જેમાં સેન્સર છે. જો ડ્રાઈવરની આંખો બંધ હોય તો બઝર વાગે છે અને તે પછી પણ ડ્રાઈવરની આંખ ન ખુલે તો વાહનનું પૈડું અટકી જાય છે. હોશંગાબાદ જિલ્લામાં બસ અકસ્માત બાદ તેને બનાવવાની પ્રેરણા મળી હતી. તેને બનાવવામાં 3 અઠવાડિયાનો સમય લાગ્યો હતો અને કુલ 4 લોકોએ મળીને તેને બનાવ્યું હતું.”