કેન્દ્રીય આરોગ્ય મંત્રી મનસુખ માંડવીયા રાજ્યોના આરોગ્ય પ્રધાનો સાથે યોજી બેઠક
૧૦-૧૧ એપ્રિલે હોસ્પિટલ્સમાં મોકડ્રીલ યોજવા નિર્દેશ
ભારતમાં કોરોના વકર્યો છે, જેને લઈને કેન્દ્રીય આરોગ્ય પ્રધાન ડૉ.મનસુખ માંડવિયાએ રાજ્યના આરોગ્ય પ્રધાનો, મુખ્ય સચિવો અને અધિક મુખ્ય સચિવો સાથે વર્ચ્યુઅલ રીતે વાતચીત કરી છે. આ બેઠકમાં કેન્દ્રીય સ્વાસ્થ્ય મંત્રીએ રાજ્યોને એલર્ટ રહેવા અને કોવિડ-19 મેનેજમેન્ટ માટે તમામ તૈયારીઓ રાખવાની સલાહ આપી છે. તેમણે તમામ રાજ્યોને 10 અને 11 એપ્રિલે હોસ્પિટલ્સમાં મોક ડ્રીલ યોજવા જણાવ્યું છે. આ ઉપરાંત, 8-9 એપ્રિલે જિલ્લા વહીવટી તંત્ર અને આરોગ્ય અધિકારીઓ સાથે આરોગ્ય તૈયારીઓની સમીક્ષા કરવા વિનંતી કરી છે.
