પત્ની બની નાગીન: લોકો હજુ મેરઠના મુસ્કાનની બ્લુ ડ્રમની ઘટના ભૂલી શક્યા ન હતા કે તે જ શહેરમાંથી વધુ એક ચોંકાવનારા સમાચાર આવ્યા. આ વખતે પત્નીએ બનાવેલો પ્લાન મુસ્કાન કરતાં વધુ ખતરનાક અને હેરાન કરી દે એવો હતો. આવો જાણીએ….
પત્ની બની નાગીન મેરઠ:
પત્ની બની નાગીન -ઉત્તર પ્રદેશના મેરઠમાં બનેલા સૌરભ હત્યા કેસમાંથી આપણે હજુ બહાર નીકળી શક્યા ન હતા, ત્યારે તાજેતરમાં વધુ એક સનસનાટીભર્યો કિસ્સો પ્રકાશમાં આવ્યો છે. અહીં પહેલા પત્નીએ તેના પ્રેમી સાથે મળીને તેના પતિની હત્યા કરી. ઘટના છુપાવવા માટે, તેણીએ તેના પતિના મૃતદેહ પાસે એક સાપ મૂક્યો. આ કિસ્સામાં, પોલીસ પણ શરૂઆતમાં મૂંઝવણમાં પડી ગઈ. જોકે, હવે આ મામલે બીજી એક ચોંકાવનારી વાત સામે આવી છે. આરોપીઓ દ્વારા ઉપયોગમાં લેવાયેલો સાપ ચોરાયેલો હતો. સૌથી આશ્ચર્યજનક વાત એ છે કે આ મામલો સરકારી વળતર યોજનાને કારણે પ્રકાશમાં આવ્યો. હા, તમને આ સાંભળીને વિચિત્ર લાગશે, પણ આ સત્ય છે. સરકારની એક પહેલથી તે માણસની હત્યાની આખી વાર્તા બહાર આવી.
૧૦ વાર સાપ કરડવાનો
મામલો બહસુમા પોલીસ સ્ટેશન વિસ્તારના અકબરપુર સદાત ગામનો છે. રવિવારે સવારે અમિત ઉર્ફે મિકી પલંગ પર મૃત હાલતમાં મળી આવ્યો હતો. તેના શરીર નીચે એક જીવતો સાપ દાટી દેવામાં આવ્યો હતો. ઉપરાંત, અમિતના શરીર પર સાપના ડંખના 10 નિશાન હતા. ગ્રામજનોને શંકા હતી કે અમિતનું મૃત્યુ સાપના કરડવાથી થયું છે. પરંતુ જે રીતે સત્ય બહાર આવ્યું તેનાથી બધા ચોંકી ગયા.
પત્નીએ પોતાનો ગુનો કબૂલ્યો
લોકોની શંકાના આધારે પોલીસે મૃતક અમિતની પત્ની રવિતાની અટકાયત કરી અને પૂછપરછ કરી હતી. ત્યારબાદ રવિતાએ પોતાનો ગુનો કબૂલ કર્યો અને કહ્યું કે, તેણે તેના પ્રેમી અમરદીપ સાથે મળીને અમિતની હત્યા કરી હતી. રવિતાએ જણાવ્યું કે, તેણે 1000 રૂપિયામાં એક સાપ ખરીદ્યો હતો, જેની મદદથી તેણે અમિતને મારી નાખ્યો હતો.
પોલીસે હત્યારાઓની ધરપકડ કરી
જણાવી દઈએ કે, પોલીસે હત્યાના બંને આરોપીઓની ધરપકડ કરી છે. મૃતકની ઓળખ મેરઠના રહેવાસી અમિત તરીકે થઈ છે. આ બાબતને લગતો એક વીડિયો પણ સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં જોઈ શકાય છે કે, અમિતનો મૃતદેહ પલંગ પર પડેલો છે અને સાપ તેને કરડી રહ્યો છે. જ્યારે પોલીસે મૃતદેહનો કબજો લઈને પોસ્ટમોર્ટમ માટે મોકલી આપ્યો, ત્યારે મામલો ખુલ્યો હતો.
Nainaba Jadeja એ લીધું બળાત્કારમાં ભાજપના નેતા નું નામ | Power Play 1874 | BJP ના નેતા જ ગુંડા
दिल्ली भगवान भरोसे: 45 दिन में डूबने या करंट लगने से 15 की मौत
