Sameer Rizvi: જ્યારે સમીર રિઝવી માત્ર છ વર્ષનો હતો ત્યારે સુરેશ રૈનાએ તેને મેરઠમાં ક્રિકેટ કોચિંગ ક્લાસમાં ઇનામ આપ્યું હતું. તે વર્ષ હતું 2011, સુરેશ રૈના ભારતીય ટીમનો સ્ટાર બની ગયો હતો. આવી સ્થિતિમાં, જ્યારે તે તેના ગૃહ રાજ્ય ઉત્તર પ્રદેશના પશ્ચિમી શહેર મેરઠ પહોંચ્યો, ત્યારે તે સમીર રિઝવીની બેટિંગથી પ્રભાવિત થયો અને તેને સનગ્લાસ ભેટમાં આપ્યો.
સુરેશ રૈના તેના ડાબા હાથથી વિસ્ફોટક બેટિંગ માટે જાણીતો હતો. સમીરની શોટ બનાવવાની અને રમવાની શૈલી પણ સમાન છે, ફરક માત્ર એટલો છે કે તે જમણા હાથથી બેટિંગ કરે છે. કદાચ આ જ કારણ છે કે તેને ડોમેસ્ટિક સર્કિટમાં ‘રાઈટ હેન્ડેડ રૈના’ કહેવામાં આવે છે. સમીર રિઝવી પણ તેના આદર્શ સુરેશ રૈનાની જેમ સ્પિનરોનો ધૂળ ચટાવે છે. ધીમા બોલરો સામે તે ગજબનો રમે છે. ચેન્નાઈમાં ગુજરાત ટાઇટન્સ સામેની તેની પ્રથમ IPL ઇનિંગમાં, તેણે અનુભવી સ્પિનર રાશિદ ખાનને ઘૂંટણિયે ટેકવ્યો અને પહેલા જ બોલ પર સિક્સર ફટકારી, આ તેનો જીવંત પુરાવો છે.
Sameer Rizvi: ઓકસનમાં રિઝવી માટે ખોલી દીધી હતી તિજોરી
IPL 2024 માટે ડિસેમ્બરમાં યોજાયેલી મીની હરાજીમાં, આ યુવા ખેલાડીને સાઇન કરવા માટે ચેન્નાઈ સુપર કિંગ્સ, ગુજરાત ટાઇટન્સ અને દિલ્હી કેપિટલ્સ વચ્ચે જોરદાર સ્પર્ધા હતી. આખરે, ચેન્નાઈ સુપર કિંગ્સે તેને રૂ. 8.40 કરોડની બોલી સાથે સાઈન કરવામાં સફળતા મેળવી.
સમીર (Sameer Rizvi) પહેલાં, હરાજીમાં ચાર-પાંચ ખેલાડીઓ માટે કોઈ બોલી નહોતી, પરંતુ ઉત્તર પ્રદેશ T20 લીગ અને અંડર-23 ટૂર્નામેન્ટમાં તેના પ્રદર્શને તેને સુપર કિંગ્સનો કોન્ટ્રાક્ટ અપાવવામાં મહત્વની ભૂમિકા ભજવી હતી. યુપી ટી-20 લીગ દરમિયાન કાનપુર સુપર સ્ટાર્સ તરફથી રમતા રિઝવીએ 47 બોલમાં ટૂર્નામેન્ટની સૌથી ઝડપી સદી સહિત નવ મેચોમાં 455 રન બનાવ્યા હતા.
એક નહીં પરંતુ એક ડઝન સમાનતા
સુરેશ રૈનાની જેમ સમીર રિઝવી પણ ચપળ ફિલ્ડર છે, તેની જેમ તે કવરમાં જમાવટ કરે છે અને વિકેટ મેળવ્યા બાદ આનંદમાં બોલર પર કૂદી પડે છે. સમીર અને સુરેશ વચ્ચેની સામ્યતા અહીં પૂરી નથી થતી.
સુરેશ રૈના અને સમીર રિઝવી બંનેના નામ ‘S’ થી શરૂ થાય છે. બંનેએ માત્ર 16 વર્ષની ઉંમરે ઉત્તર પ્રદેશ માટે રણજી ટ્રોફીમાં પદાર્પણ કર્યું હતું. બંનેએ 20-21 વર્ષની ઉંમરે IPLમાં CSK માટે પોતાની પ્રથમ મેચ રમી હતી. 2023માં, રૈનાએ UP T-20 લીગમાં રિઝવીને ઓરેન્જ કેપ સોંપી હતી. બંનેએ પોતાની પ્રથમ IPL મેચમાં છઠ્ઠા નંબરે શરૂઆત કરી હતી. બંને ખેલાડીઓએ ચેન્નાઈ માટે સારી કેમિયો ઈનિંગ્સ રમી હતી. સુરેશ રૈનાએ 15 બોલમાં 32 રન જ્યારે સમીર રિઝવીએ માત્ર છ બોલમાં 14 રન બનાવ્યા હતા.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો