PM Modi :PM મોદીનો મમતા સરકાર પર પ્રહાર: “રાષ્ટ્રપતિનું અપમાન કરનારાઓને જનતા પાઠ ભણાવશે”; દિલ્હીને આપી ₹33,500 કરોડની ભેટ

PM Modi :વડાપ્રધાન નરેન્દ્ર મોદીએ રવિવારે દિલ્હીમાં એક ભવ્ય જનસભાને સંબોધતા પશ્ચિમ બંગાળની TMC સરકાર પર આકરા પ્રહાર કર્યા હતા. તેમણે સ્પષ્ટ શબ્દોમાં જણાવ્યું કે દેશ અને નારી શક્તિ રાષ્ટ્રપતિ દ્રૌપદી મુર્મુના અપમાન બદલ મમતા બેનર્જીની સરકારને ક્યારેય માફ નહીં કરે.

PM Modi :”અહંકારીનો વિનાશ નિશ્ચિત છે”

રાષ્ટ્રપતિ દ્રૌપદી મુર્મુએ પશ્ચિમ બંગાળ પ્રવાસ દરમિયાન રાજ્ય સરકાર દ્વારા કરવામાં આવેલી અવગણના પર નારાજગી વ્યક્ત કરી હતી. આ બાબતે પીએમ મોદીએ કહ્યું, “આપણી પરંપરા કહે છે કે અહંકારથી ભરેલી વ્યક્તિ ગમે તેટલી શક્તિશાળી કેમ ન હોય, તેનો અંતે વિનાશ થાય છે.” તેમણે ઉમેર્યું કે બંગાળની જનતા આ અપમાનનો જડબાતોડ જવાબ આપશે.

PM Modi :દિલ્હીના ઈન્ફ્રાસ્ટ્રક્ચર માટે મોટો દિવસ: ₹33,500 કરોડના પ્રોજેક્ટ્સ

પીએમ મોદીએ રવિવારે રાષ્ટ્રીય રાજધાની દિલ્હીમાં હાઉસિંગ અને ટ્રાન્સપોર્ટ ક્ષેત્રે કાયાપલટ કરનારા પ્રોજેક્ટ્સનું લોકાર્પણ અને શિલાન્યાસ કર્યો.

1. મેટ્રો કનેક્ટિવિટીમાં મોટો વધારો

વડાપ્રધાને બે નવા મેટ્રો કોરિડોરનું ઉદ્ઘાટન કર્યું અને ત્રણ નવી લાઈનોનો શિલાન્યાસ કર્યો.

• મજલિસ પાર્ક – મૌજપુર બાબરપુર: 12.3 કિમી લાંબો પિંક લાઇન કોરિડોર શરૂ.
• દીપાલી ચોક – મજલિસ પાર્ક: 9.9 કિમી લાંબો મેજેન્ટા લાઇન કોરિડોર શરૂ.
• ફાયદો: બુરાડી, ભજનપુરા, ખજૂરી ખાસ અને વજીરાબાદ જેવા વિસ્તારોને સીધી કનેક્ટિવિટી મળશે.

2. સરકારી કર્મચારીઓ માટે નવા આધુનિક ફ્લેટ્સ

GPRA રીડેવલપમેન્ટ પ્લાન હેઠળ પીએમએ 2,722 નવા બનેલા ફ્લેટ્સનું ઉદ્ઘાટન કર્યું અને મહિલા લાભાર્થીઓને ચાવીઓ સોંપી. આ ઉપરાંત, વધુ 6,632 ફ્લેટ્સનો શિલાન્યાસ કરવામાં આવ્યો. સરોજિની નગર અને નેતાજી નગર જેવી 7 જૂની વસાહતોનો સેલ્ફ-ફાઇનાન્સિંગ મોડેલ પર વિકાસ કરવામાં આવી રહ્યો છે.

પીએમના ભાષણના મુખ્ય અંશો:

1. બહાનાબાજી બંધ: પીએમએ AAP સરકારનું નામ લીધા વગર નિશાન સાધ્યું કે પહેલા ફાઈલો અટવાતી હતી, પણ હવે પ્રોજેક્ટ્સ જમીન પર ઉતરી રહ્યા છે.
2. યમુના સફાઈ: સરકાર મિશન મોડમાં યમુના નદીની સફાઈ માટે કામ કરી રહી છે.
3. નારી શક્તિ: વિજ્ઞાનથી લઈને રમતગમત અને પ્રશાસન સુધી મહિલાઓ દેશનું નેતૃત્વ કરી રહી છે.

પ્રોજેક્ટની વિગતો એક નજરે:

આ પણ વાંચો :અમદાવાદને CM ભૂપેન્દ્ર પટેલની મોટી ભેટ: ઘાટલોડિયામાં શહેરની સૌથી મોટી પાણીની ટાંકી અને હાઈટેક સબ ઝોનલ ઓફિસનું લોકાર્પણ