Grand Jhulelal Festival in Ahmedabad: સિંધી સમાજના આરાધ્ય દેવ ભગવાન ઝુલેલાલજીના જન્મોત્સવ ‘ચેટીચંડ’ નિમિત્તે આજે અમદાવાદના નરોડા વિસ્તારમાં ભક્તિ અને સંસ્કૃતિનો અનોખો સંગમ જોવા મળી રહ્યો છે. પૂર્વ અમદાવાદના સિંધી બહુલ વિસ્તારોમાં આશરે 100 જેટલી ઝાંખીઓ સાથે નીકળનારી ભવ્ય શાહી શોભાયાત્રાને લઈને સમાજમાં ભારે ઉત્સાહ જોવા મળી રહ્યો છે.
Grand Jhulelal Festival in Ahmedabad: મુખ્યમંત્રીના હસ્તે પ્રસ્થાન અને દિગ્ગજ મહેમાનો
આજે બપોરે 1 કલાકે નરોડા પાટિયાથી શરૂ થનારી આ શાહી શોભાયાત્રાનું પ્રસ્થાન ગુજરાતના મુખ્યમંત્રી ભૂપેન્દ્ર પટેલ લીલી ઝંડી બતાવીને કરાવશે. આ મહોત્સવમાં ધારાસભ્ય દર્શનાબેન વાઘેલા, રિવાબા જાડેજા અને પાયલ કુકરાણી સહિતના અગ્રણીઓ ઉપસ્થિત રહી ભગવાન ઝુલેલાલના આશીર્વાદ મેળવશે.
Grand Jhulelal Festival in Ahmedabad: શોભાયાત્રાની વિશેષતાઓ
- રૂટ: આ શોભાયાત્રા નરોડા પાટિયાથી શરૂ થઈ કુબેરનગર અને સરદારનગર જેવા સિંધી વિસ્તારોમાં ફરશે.
- ઝાંખીઓ: 100 જેટલી આકર્ષક ઝાંખીઓ દ્વારા સિંધી સંસ્કૃતિનું પ્રદર્શન કરવામાં આવશે. આ સાથે ‘બેટી બચાવો, બેટી પઢાવો’ જેવા સામાજિક સંદેશાઓ પણ રજૂ કરાશે.
- ઐતિહાસિક વીમો: આ વર્ષે આયોજનની સુરક્ષા અને ભવ્યતાને જોતા પ્રથમવાર સમગ્ર શોભાયાત્રાનો 3 કરોડ રૂપિયાનો વીમો લેવામાં આવ્યો છે, જે ગુજરાતમાં સિંધી સમાજના ઉત્સવોમાં એક નવો વિક્રમ છે.
સિંધી સંસ્કૃતિનો પ્રચાર
આ શોભાયાત્રા માત્ર ધાર્મિક ઉત્સવ જ નહીં, પરંતુ સિંધી ભાષા અને પરંપરાઓને જીવંત રાખવાનું એક માધ્યમ બની રહી છે. સમગ્ર પૂર્વ અમદાવાદના સિંધી ભાઈ-બહેનો મોટી સંખ્યામાં આ યાત્રામાં જોડાઈને ભગવાન ઝુલેલાલની આરાધના કરશે.
વધુ સમાચાર વાંચવા માટે અંહી ક્લિક કરો
