સરકારે મહત્વની જાણકારી
ભારતીય ઓટોમોટિવ ઉદ્યોગ વિશ્વમાં ત્રીજા સ્થાને પહોંચશે
2030 સુધીમાં વિશ્વમાં ત્રીજો સૌથી મોટો ઉદ્યોગ બનશે
સરકારે જાણકારી આપી છે કે 2030 સુધીમાં ભારતીય ઓટોમોટિવ ઉદ્યોગ વિશ્વમાં ત્રીજા સ્થાને પહોંચવા તરફ આગળ વધી રહ્યો છે. ઓટોમોબાઈલ અને ઓટો કમ્પોનન્ટ્સ માટે રૂ. 25,938 કરોડની PLI જેવી વિવિધ યોજનાઓ આ ક્ષેત્રના વિકાસને ટેકો આપી રહી છે. હેવી ઈન્ડસ્ટ્રીઝ મંત્રાલય (MHI) મંગળવારે પ્રોડક્શન લિંક્ડ ઈન્સેન્ટિવ-ઓટો સ્કીમના પ્રદર્શનની સમીક્ષા કરવા માટે એક કોન્ફરન્સનું આયોજન કરી રહ્યું છે.ત્યારે એક સત્તાવાર નિવેદનામાં કહેવામાં આવ્યું છે કે અને એવો અંદાજ છે કે ભારતીય ઓટોમોટિવ ઉદ્યોગ 2030 સુધીમાં વિશ્વમાં ત્રીજો સૌથી મોટો ઉદ્યોગ હશે.
મંત્રી મહેન્દ્ર નાથ પાંડે આ બેઠકની અધ્યક્ષતા કરશે. મંત્રાલયે કહ્યું છે કે, “MHI ઓટોમોટિવ ઉદ્યોગના PLI-ઓટો અરજદારોને યોજનાના મહત્વના હિસ્સેદારોમાંના એક તરીકે માને છે.” ઇવેન્ટ આ યોજના દ્વારા ઉપલબ્ધ તકોને સમજવા પર ધ્યાન કેન્દ્રિત કરશે.એક સત્તાવાર નિવેદનમાં જણાવવામાં આવ્યું છે કે, MHI ઓટોમોટિવ ઉદ્યોગના PLI-ઓટો અરજદારોને મહત્વપૂર્ણ હિસ્સેદારોમાંના એક તરીકે માને છે. મીટિંગમાં હાજર રહેવાની ધારણા છે તેવા હિતધારકોમાં PLI-ઓટો અરજદારો, પરીક્ષણ એજન્સીઓ વગેરેનો સમાવેશ થાય છે, જેઓ તેમના જ્ઞાન અને અનુભવને શેર કરશે અને તેમની સામે આવતા પડકારોને સંબોધશે. “આ યોજનાઓની વ્યાપક અસર ઓટોમોટિવ ઉદ્યોગના વિકાસ તરફ દોરી જશે અને એવો અંદાજ છે કે ભારતીય ઓટોમોટિવ ઉદ્યોગ 2030 સુધીમાં વિશ્વમાં ત્રીજો સૌથી મોટો હશે.
ઓટોમોટિવ ઉદ્યોગને બમણું કરવાનો ધ્યેય છે
બેઠકમાં એ વાત પર ભાર મૂકવામાં આવ્યો હતો કે દેશની અંદર એડવાન્સ્ડ ઓટોમોટિવ ટેક્નોલોજી (AAT) ઉત્પાદનોના સ્થાનિકીકરણ અને વિકાસનું લક્ષ્ય ઓટોમોટિવ ઉદ્યોગના સમર્થન અને વિકાસ વિના પ્રાપ્ત કરી શકાતું નથી. ભારતમાં ઓટોમોટિવ ઉદ્યોગ એ દેશના અર્થતંત્રના મુખ્ય સ્તંભોમાંનો એક છે. મજબૂત બેકવર્ડ અને ફોરવર્ડ લિન્કેજ સાથે દેશના વિકાસમાં તેનું મહત્વનું યોગદાન છે. રાષ્ટ્રીય જીડીપીમાં આ ઉદ્યોગનું યોગદાન 1992-93માં 2.77% થી વધીને છેલ્લા નાણાકીય વર્ષમાં લગભગ 7.1% થયું છે. આ ઉદ્યોગ 19 મિલિયનથી વધુ લોકોને પ્રત્યક્ષ અને પરોક્ષ રોજગાર પ્રદાન કરે છે. ભારતમાં ઓટોમોબાઈલ માર્કેટમાં, 2021-22 દરમિયાન ટુ-વ્હીલર અને પેસેન્જર કારનો બજાર હિસ્સો અનુક્રમે 77% અને 18% હતો. નાની અને મધ્યમ કદની કાર હાલમાં પેસેન્જર કારના વેચાણમાં પ્રભુત્વ ધરાવે છે. ભારત વર્ષ 2024 ના અંત સુધીમાં તેના ઓટો ઉદ્યોગનું કદ બમણું કરવાનું લક્ષ્ય રાખે છે એટલે કે રૂ. 15 લાખ કરોડ. એપ્રિલ 2000 થી સપ્ટેમ્બર 2022 સુધીમાં, ઉદ્યોગમાં US$ 33.77 બિલિયનનો FDI ઈનફ્લો આવ્યો છે, જે સમાન સમયગાળા દરમિયાન ભારતમાં કુલ FDI ના પ્રવાહના લગભગ 5.48% છે.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
